| 1. |
Kucelwa izicelo kubantu abanqwenela ukuba ngamagosa amakishayo aziintloko (chief markers), amagosa amakishayo (markers) okanye iimodareyitha zeenkalo zezifundo (uluhlu lweenkalo zezifundo luqhotyoshelwe) eziza kuvavanywa ngeeMviwo zikaJuni no-Oktobha 2006 zeNqanaba 4 le-ABET. Aba bantu kufuneka baphumeze iikhrayitheriya ezikumhlathi 2 apha ngezantsi.
|
| 2. |
Iikhrayitheriya ngokubanzi
|
| 2.1 |
Amava okufundisa: Amava afanelekileyo okufundisa, kwakunye namava okufundisa iNqanaba 4 kwinkalo yesifundo echaphazelekayo.
|
| 2.2 |
Iziqinisekiso zemfundo: Isiqinisekiso esaziwayo sobutitshala seminyaka emithathu.
|
| 2.3 |
Ulwazi lwenkalo yesifundo
|
| 3.1 |
Izicelo mazenziwe kule fom yesicelo eqhotyoshelweyo. Umenzi-sicelo makazalise ifom eyahlukileyo ngenkalo yesifundo nganye enza isicelo kuyo.
|
| 3.2 |
Iikopi eziqinisekisiweyo zezatifikethi zemfundo mazihambe kunye nefom nganye ezalisiweyo. Ukuba la maxwebhu akahambi kunye nefom yesicelo, eso sicelo asiyi kuqwalaselwa. Akukho mntu uya kwaphulelwa kwezi meko yaye kungayi kubakho mbalelwano eya kuqhutywa nabenzi-sicelo malunga nalo mba.
|
| 3.3 |
Zonke iifom zezicelo mazisayinwe yinqununu okanye ngumphathi weziko (kwimeko yootitshala), kube ngabalawuli okanye abantu ekugqithiselwe kubo amagunya (kwimeko yeenqununu, abacwangcisi bekharityhulam abakhulu, abacwangcisi bekharityhulam abaziintloko nabacebisi ngezekharityhulam). Iifom ezingasayinwanga ziya kubuyiselwa kubenzi-sicelo.
|
| 3.4 |
Zonke izicelo mazithunyelwe kule dilesi ilandelayo phambi kowe-28 April 2006. Izicelo ezifumaneke emva kwalo mhla aziyi kuqwalaselwa.
Head: Education
For attention: Ms NM Janda / Ms M Buys
Directorate: Examinations
Western Cape Education Department
Private Bag X9114
Cape Town
8000
|
| 4. |
Yonke imibuzo, nokuba yenziwa ngefoni okanye yebhaliweyo, inokuthunyelwa komnye waba balandelayo:
Mnu MCameron, ifoni 021 467 2964; i-imeyili: mgcamero@pgwc.gov.za
Nks NM Janda, ifoni 021 467 2009; i-imeyili: njanda@pgwc.gov.za
Nks M Buys kwifoni 021 467 2993; i-imeyili: mbuys@pgwc.gov.za
ICandelo leeMviwo, ifeksi 021 461 5628
|
| 5. |
Intlawulo yokumakisha isifundo ngasinye iza kufumaneka kwakamsinya. Igosa ngalinye elimakishayo eliyintloko, igosa elimakishayo nemodareyitha emakishayo kunye/okanye emodareyitha amaphepha, iya kutsalelwa irhafu ngokungqinelana noMthetho weRhafu yeNgeniso ka-2002 (Income Tax Act of 2002).
|
| 6. |
Nceda wazise okukule ngcaciso emfutshane bonke ootitshala bachaphazelekayo, kwakunye nabo basekhefini. Eli candelo aliyi kwamkela zigxeko ngenxa yootitshala abangaxelelwanga ngokubhalwe kule ngcaciso emfutshane.
|
ISAYINWE: NGU-A.P. CLAUSEN
INTLOKO: YESEBE LEMFUNDO
UMHLA: 2006:03:30
|