| 1. |
ISebe leMfundo leNtshona Koloni liya kuqhuba iqela loomasifundisane bezifundo ezinxulumene nobungcali (specialised subject related workshops) kwiveki yokugqibela yeeholide zikaDisemba/Januwari 2007, o.k.t. ukususela kowesi-8 - 12 Januwari 2007, ukuxhasa ukuphunyezwa kwe NCS.
|
| 2. |
Ukongeza, kwaziswa kwakhona ngeeprogram zokunika inkxaso engaphezulu eziya kwenziwa ngethuba leeholide zezikolo zangoMatshi - Apreli 2007.
|
| 3. |
Injongo yaba masifundisane kukuxhasa ootitshala kwinkqubo yokuqaliswa kwe-NCS kumaBakala 10 no-11, nokulungiselela ootitshala kunye nabafundi iSatifikethi seMatriki sikaZwelonke ngo-2008.
|
| 4. |
Esi sihlomelo siqhotyoshelweyo sinika isishwankathelo soomasifundisane abaseza kuqhutywa. Sinengcaciso ephathelele koomasifundisane, izifundo ezichaphazelekayo namaqela ekujoliswe kuwo.
|
| 5. |
Ootitshala kuya kulindeleka ukuba babhalise ukulungiselela aba masifundisane. Ingcaciso engaphezulu iya kunikwa kwikota yesine yalo nyaka, nakwikota yokuqala ngo-2007.
|
| 6. |
Ukufumana iinkcukacha ezingaphezulu qhagamshelana noMnu T. Smit 021 467 2630 okanye umthumelele i-imeyile apha: tcessmit@pgwc.gov.za..
|
| 7. |
Kucelwa wazise okubhalwe kule ngcaciso emfutshane bonke ootitshala abachaphazelekayo.
|
ISAYINWE: NGU-D.R. SHEPHERD
INTLOKO: YESEBE LEMFUNDO
UMHLA: 2006:09:21
|