| 1. |
Le thayimthebhile iqhotyoshelweyo yeyoviwo luka-Oktobha 2006 lweMfundo yaBadala kwiNqanaba 4 efike ivela kwiSebe leMfundo likazwelonke. Uviwo luqala nge-11 Oktobha 2006 luze luphele nge-31 Oktobha 2006. Nganye inkalo yesifundo iya kubhalwa ukususela ngentsimbi ye-14:00 kuye kweye-17:00. Njengoko olu vavanyo iyinkqubo eyenzeka kuzwelonke, imihla namaxesha ayafana kwilizwe lonke yaye akusayi kuvunyelwa konke konke ukutenxa kule thayimthebhile.
|
| 2. |
Njengoko bekunjalo kwixesha elidlulileyo, i-EMDC namagosa kaNdlunkulu nabameli baka-UMALUSI baya kubeka iliso kwinkqubo yoviwo.
|
| 3. |
Ukuba uvavanyo luqhutyelwa kumasango esikolo esiqhelekileyo, umphathi weziko lemfundo yabadala makenze amalungiselelo kwangoko okuba kusetyenziswe igumbi elinqatyisiweyo, isakhiwo sezolawulo, amagumbi okufundisela namancedo ezindlu zangasese njl. njl.
|
| 4. |
Amaziko makaqinisekise ukuba abagadi babaviwa abaziintloko nabagadi babaviwa baqeqeshwe kakuhle ukuze bakwazi ukusingatha ngempumelelo ukuqhutywa koviwo.
|
| 5. |
Ukwenzela ukusingatha imibandela yezolawulo, kubalulekile ukuba abaphathi bamaziko babekho kumaziko lawo phambi kokuqala kweseshoni kwaye babekho nasekupheleni kweseshoni yovavanyo nganye.
|
| 6. |
Akukho mntu makavunyelwe ukuba angene kwindawo ekubhalelwa kuyo uviwo engaqalanga aveze ikhadi lokuzazisa elimgunyazisayo.
|
| 7. |
Bayacelwa kwakhona abaphathi bamaziko ukuba
|
| 7.1 |
banike bonke ootitshala nabaviwa babo ithayimthebhile ngokukhawuleza ukwenzela ukuba bakwazi ukwenza amalungiselelo okugqibela oviwo.
|
| 7.2 |
bakhumbuze bonke abaviwa babo ukuba kufuneka bavelise izazisi zabo neeleta zokuvunyelwa kwabo ukuba bahlalele uvavanyo phambi kokuba kuqale iseshoni yovavanyo nganye.
|
| 7.3 |
banqwenelele bonke abaviwa impumelelo kuvavanyo lwabo egameni leSebe leMfundo leNtshona Koloni.
|
ISAYINWE: NGU-J.P. RAULT-SMITH
INTLOKO: YESEBE LEMFUNDO
UMHLA: 2006:08:23
|