| 2. |
ISebe leMfundo likazwelonke neSebe leMfundo leNtshona Koloni afuna ukuqinisekisa ukuba kusetyenziswa ezikolweni izincedisi zokufunda nokufundisa ezikumgangatho ophezulu. Ukuphumeza oku, kwacela abapapashi beencwadi ukuba bangenise iincwadi zezifundo (textbooks) zeBakala 11 ukulungiselela ukuba ziphicothisisiswe yaye oko kuphicothisisiswa kwazo kwenziwa liSebe leMfundo likazwelonke.
|
| 3. |
Ngenxa yeqela lezinto ezichaphazelekayo nohlobo lwengcaciso efakiweyo, kudweliswe apha uluhlu lwezincedisi zokufunda nokufundisa ezivunyiweyo ukuze kube lula ukuzifunda. Izifundo zidweliswe ngokwe-alfabhethi (kwakunye neelwimi), ziqala nge-Akhawuntingi zize ziphele nge-Visual Arts. Kwisifundo ngasinye, izihloko zicwangciswe phantsi kwabapapashi bazo, abapapashi bona bacwangciswe ngokwe-alfabhethi. Izifundo zekhontenti zidweliswe ngokweelwimi ebezingeniswe zaza zavunywa ngazo.
|
| 4. |
Kubalulekile ukuqaphela ukuba, ukongeza kwiincwadi zezifundo (textbooks) ezifundwayo, kukho iindidi ngeendidi zezinto zokufunda ezikuluhlu ezinjongo zazo ikukuxhasa ootitshala nabafundi bafikelele kwiziphumo zesilabhasi. Nazi iindidi zezincedisi zokufunda ezifakiweyo:
|
| 5. |
Xa kuthengwa ezi ncwadi okanye kusenziwa irikhwizishini yezi ncwadi, izikolo maziqwalasele ngenyameko enkulu ukuba ngawaphi amacandelo ephakheji okanye esethi ayimfuneko ephambili zize zibale ixabiso laloo sethi.
|
| 6. |
Kucelwa uqaphele ukuba, ngaphandle kweeprojekthi ezizodwa, izikolo zeSebe leMfundo leNtshona Koloni zivumelekile ukukhetha iincwadi ezizifunayo, nokuba olu luhlu luqhotyoshelweyo alumiseli miqathango koko injongo yalo kukuba lube sisikhokelo.
|
| 7. |
Ukuba unayo nayiphi na imibuzo, musa ukuthandabuza, qhagamshelana noMnu T. Smit kule nombolo yefoni 021 467 2630.
|
ISAYINWE: NGU-J.P. RAULT-SMITH
INTLOKO: YESEBE LEMFUNDO
UMHLA: 2006:08:29
|