Umhla: 6 ne-7 Oktobha 2006
Indawo: Cape Teaching Institute Nooiensfontein, Kuils River
Amaxesha: 6 Oktobha 2006 15:00 - 19:00
7 Oktobha: 08:30 - 13:30
Ngubani omakaye: Ngootitshala beMathematika bamaBakala R - 9 |
| 1. |
ISebe leMfundo leNtshona Koloni limema ootitshala beMathematika bamaBakala R - 9 ukuba bathathe inxaxheba kwiNkomfa yeziSombululo zeMathematika (Mathematics Solutions Conference) ngokuthi babe ngabenzi ngcaciso-ntetho (presenters) okanye ngabathathi-nxaxheba. Oku kungqina imbalelwano eyakhutshwa ngoJuni 2006 liCandelwana loPhuhliso lwaBasebenzi (Human Resource Development Subdirectorate): Cape Teaching Institute, libambisene neCandelo loPhuhliso leKharityhulam.
|
| 2. |
Injongo
Injongo yale nkomfa yemathematika kukunika imizekelo yeendlela imathematika enokufundiswa ngayo ngempumelelo.
|
| 3. |
Ingcaciso eyenzelwe aBenzi ngcaciso-ntetho (Presenters)
|
| 3.1 |
Ootitshala abanomdla ekunikeni isifundo semathematika okanye “eyona ndlela ibhetele yokufundisa” (“best practice”) kule nkomfa kufuneka bakhokelwe koku kulandelayo:
Isifundo okanye iseshoni ethi “Ndiyifundisa njani” mayisusele kwiNkcazo yeKharityhulam kaZwelonke yeMathematika yamaBakala R - 9.
Isifundo eso sifanele ukufundisa ngomba othile wesilabhasi yeMathematika kwibakala elithile.
Abeze enkomfeni kufuneka bathathe inxaxheba kwingcaciso-ntetho okanye kwisifundo eso.
Ubude bexesha: ngama-40 emizuzu. Nika imizuzu emi-5 - 10 ukulungiselela ingxoxo yamaqela okanye imibuzo.
Iindawo zokuqhubela inkomfa ziya kuba neetafile ezizimeleyo kunye nezitulo, i-ovahedi projektha kunye nebhodi yokubhala.
Zonke iiwekhishithi (worksheets) ziya kuprintwa zibe ngumqulu owodwa wezinto ebeziqhubeka kwinkomfa. Oku kuthetha ukuba akukho mfuneko yokuba umenzi ngcaciso-ntetho eze nezinye iikopi zokongeza zezinto zokufunda, ngaphandle kokuba kuya kufuneka abathathi-nxaxheba basike, bagobe, njl.njl. amaphepha okufunda eewekhishithi.
Zonke izinto zokufunda zimelwe kukuchwethezwa ziprintwe kwiprinta eyi-laser, ukuba kunokwenzeka oku. ISebe leMfundo leNtshona Koloni liya kudyuplikheyitha izinto zokufunda.
|
| 3.2 |
Ukuba unomdla wokwenza ingcaciso-ntetho ngokuthile nge-6 ne-7 Oktobha, kucelwa uzalise iSihlomelo A uze usifeksele kuMnu Lamprecht kule nombolo yefeksi 021 900 5175 okanye 021 900 5162, okanye umthumelele nge-imeyili apha alamprec@pgwc.gov.za ungadlulanga owe-31 Agasti 2006.
|
| 4. |
Iinkcukacha zaBathathi-nxaxheba
|
| 4.1 |
Ootitshala abanganqweneli kwenza ngcaciso-ntetho ngomsebenzi wabo, kodwa benqwenela ukuya kule nkomfa, bayacelwa bazalise iinkcukacha zabo kuluhlu lwezikolo kwiSihlomelo B.
|
| 4.2 |
Buyisela iSihlomelo B kuMnu A. Lamprecht kule dilesi ye-imeyili alamprec@pgwc.gov.za, okanye usifeksele kuJackie Bokveldt kule nombolo yefeksi 021 900 5175 ungadlulanga owe-1 Septemba 2006. Eli lixesha elandisiweyo kumhla wokuvala obunikwe kwimbalelwano yokuqala eyayithunyelwe ezikolweni yiCape Teaching Institute. Akukho mfuneko yokuba ootitshala abali-100 abasebebhalisile ukuphendula imbalelwano yokuqala baphinde babhalise kwakhona.
|
| 4.3 |
Le program iya kubandakanya iingxoxo ngabo bonke abezileyo neeseshoni ezihamba nazo ezenziwe ngabathathi-nxaxheba. Izikolo ezibhalisela inkomfa ziya kufumana iinkcukacha zeprogram yenkomfa ngowe-15 Septemba 2006.
|
| 5. |
Amalungiselelo
Abathathi-nxaxheba okanye abenzi ngcaciso-ntetho abasuka kwii-EMDC ezisemaphandleni abahamba ngaphezu kwe-120 km ukuya nokubuya bangalala kwihostele yeCape Teaching Institute ngoLwesihlanu, we-6 Oktobha. ISebe leMfundo leNtshona Koloni liya kubonelela ngendawo yokulala. Iindleko zohambo aziyi kuhlawulwa liSebe leMfundo iWCED.
|
| 6. |
Eli Sebe leMfundo linethemba lokuba le nkomfa iya kuba ngamava ekuya kuzuzwa lukhulu kuwo nabangela umdla omkhulu kubo bonke ootitshala beMathematika abezileyo kuyo.
|
ISAYINWE: NGU-J.P. RAULT-SMITH
INTLOKO: YESEBE LEMFUNDO
UMHLA: 2006:08:18
|