1. |
ISifundo ngezoBomi, sisifundo esingundoqo esifundiswayo kwizifundo zeFET nesiya kufundiswa bonke abafundi kumaBakala 10 - 12, sineenkalo ezine ekugxininiswa zona, ekuzezi, IMpilo Qete yoMntu (Personal Well-being), IMfundo ngoBumi beLizwe (Citizenship Education), UkuZonwabisa neMisebenzi eYenziwayo (Recreation and Physical Activity), namaKhondo oMsebenzi nokuKhetha amaKhondo oMsebenzi (Careers and Career Choices).
|
2. |
Iikhosi zoqeqesho ngokuqulethwe siSiphumo soKufunda 1 (Learning Outcome 1) (Personal Well-being) zaqhutywa ngoMatshi no-Apreli ngo-2005 nangethuba leeholide zesikolo ngoJanuwari 2006.
|
3. |
Zonke izikolo, nokuba ngaba ootitshala bazo baya kwiikhosi zoqeqesho okanye akunjalo, ziyifumene incwadi yokusetyenziswa ngutitshala (educator’s manual), incwadi yomfundi (learner’s book), i-CD ROM nekhasethi yevidiyo enezinto ezazifundiswa kule khosi ngokuqulethwe siSiphumo soKufunda 1 (Learning Outcome 1) (Personal Well-being).
|
4. |
Idatha eqokelelwe kwiiseshoni zoqeqesho ibonisa ukuba kukho iqela lezikolo elingazange liye nakweyiphi na iseshoni yoqeqesho kwezi zixeliweyo.
|
5. |
ISebe iWCED ke ngoko, ligqibe ekubeni lenze enye iseshoni yoqeqesho ngeMpilo Qete yoMntu (Personal Well-being) kwisithili ngasinye se-EMDC. Imihla namaxesha ezi seshoni zoqeqesho iya kulungiselelwa ngabaqeqeshi abaziintloko kwi-EMDC nganye.
|
6. |
I-EMDC iya kwazisa izikolo ngemihla yoqeqesho ize isingathe ukubhalisela ezi seshoni zoqeqesho.
|
7. |
Ootitshala ababini beSifundo ngezoBomi bamaBakala 10-12 besikolo ngasinye abanga-zange baqeqeshwe kwesi siphumo sokufunda, bangeza kwezi seshoni zoqeqesho.
|
8. |
Ootitshala baya kubuyiselwa ngeendleko zabo zehambo. Abo banenjongo yokwenza amabango mabeze nale ngcaciso ilandelayo kwikhosi:
|
9. |
Ootitshala abavela kwii-EMDC zasemaphandleni abafuna indawo yokuhlala mabazenzele ngokwabo amalungiselelo oku. Kucetyiswa indawo yokulala efanelekileyo enesidlo sakusasa. Aba titshala mabangenise amabango eendleko zendawo yokuhlala phambi kokuba bahambe ngomhla wokugqibela wekhosi.
|
10. |
Nceda uqhagamshelane nomcebisi ngezekharityhulam weSifundo ngezoBomi okwi-EMDC ekwingingqi yakho ukuba ufuna iinkcukacha ezingaphezulu.
|
11. |
Ziyacelwa iinqununu ukuba zazise okukule ngcaciso imfutshane ootitshala beSifundo ngez oBomi ezikolweni zabo.
|
ISAYINWE: NGU-J.P. RAULT-SMITH
INTLOKO: YESEBE LEMFUNDO
UMHLA: 2006:06:21
|