| 1. |
INgcaciso eMfutshane yeCandelo loPhuhliso lweKharityhulam 0039/2006 yacacisa ukuba iSebe leMfundo leNtshona Koloni liya kubonelela ngeencwadi zezifundo amaBakala 8, 9 no-11 ngo-2007 kwezi zifundo zesayensi nakwiinkalo zezifundo zeelwimi zikhethiweyo zilandelayo, ngenjongo yokuxhasa ukuphunyezwa kweNKcazo yeKharityhulam kaZwelonke (NCS) kula mabakala:
|
| 2. |
Languages: English First Additional
Languages: Afrikaans First Additional
Mathematics
Mathematical Literacy
Natural Science
Physical Science
|
| 3. |
Le ngcaciso emfutshane inezintlu ezandulelayo (preliminary lists) zamaBakala 8 zamaBakala no-11. Uluhlu lweBakala 9 alukagqitywa okwangoku kodwa luya kubonelelwa ngethuba leekhosi zoqhelwaniso nezifundo zeNCS kootitshala bamaBakala 8 & 9 (10 -14 Julayi).
|
| 4. |
Baceliwe abapapashi ukuba baze kubonisa iincwadi zabo kwezi khosi. Bayakhuthazwa ootitshala ukuba bathathe izintlu eziqhotyoshelweyo eziza kufumaneka ngethuba leeseshoni zokuqhelaniswa nezifundo/zoqeqesho baze basebenzise eli thuba ekuxoxeni noogxa babo ngokukhethwa kweencwadi. Kushiywe isithuba kwizintlu sokusetyenziswa ngootitshala ekubhaleni iikhomenti zabo ukwenzela ukuba babe nokukhetha iincwadi benolwazi xa bebuyela ezikolweni kwikota entsha.
|
| 6. |
ISebe iWCED lizimisele ekwandiseni amathuba okwazi ukufikelela kwiincwadi zezifundo ezikumgangatho ophezulu, njengoko uphando lubonise ukuba ukwazi ukufikelela kwiincwadi zezifundo kubaluleke gqitha ekuxhaseni ukufundisa nokufunda okukuko. Ngako oko ke bayacelwa ootitshala nezikolo ukuba babe nenyameko enkulu ekukhetheni iincwadi ezifanelekileyo kwezi zintlu zibonelelweyo.
|
| 7. |
Kuya kuthunyelwa isetyhula ezikolweni ungadlulanga owe-17 Julayi 2006 enezintlu zokugqibela zawo omathathu amabakala, 8, 9 no-11 kwezi nkalo zezifundo nezifundo eziboniswe apha ngasentla. Loo setyhula kwakhona iya kuba nemiyalelo ecacisa banzi ngoku-odolwa kwezi ncwadi zezifundo zeProjekthi eYodwa.
|
| 8. |
Kuya kufuneka izikolo zifake ii-odolo zezi ncwadi zezifundo ingabethanga intsimbi ye-12:00 ngowe-8 Agasti 2006. Akukho zi-odolo zifike mva ziya kwamkelwa. ISebe iWCED aliyi kuzihlawula ii-odolo ezenziwe emva kowe-8 Agasti 2006.
|
| 9. |
Ziyacelwa iinqununu ukuba ziqaphele ukuba izikolo kufuneka zisebenzise umthengisi-zincwadi omnye kuzo zonke iincwadi zezifundo zeProjekthi eYodwa. Kucelwa kwakhona niqaphele ukuba xa kusenziwa ii-odolo zeencwadi zezifundo, kuya kucelwa iinqununu ukuba zinike ingcaciso malunga neenkqubo zesikolo zokubuyiswa kweencwadi zezifundo ezinikwe abafundi (school’s textbook retrieval procedures) kunye nempumelelo yezo nkqubo.
|
ISAYINWE: NGU-J.P. RAULT-SMITH
INTLOKO: YESEBE LEMFUNDO
UMHLA: 2006:06:20
|