| 1.1 |
Ukumodareyithwa kovavanyo olwenzelwa kumaziko (site-based assessment) okwenziwa yi-EMDC yinkqubo efunekayo yoqinisekiso lwemigangatho, njengoko kwenza kube nokutshekishwa ukuba kukho ukuthotyelwa komgaqo-nkqubo kuze kunike ithuba lokuba kunikwe ingxelo ebalulekileyo ngobekuqhubeka kootitshala nakubaphathi bamaziko.
|
| 1.2 |
Njengangoku abacebisi ngezekharityhulam basebenzisa isixhobo sokumodareyitha i-ABAS 3a/b ngeenjongo zokumodareyitha iiphothifoliyo zabafundi kunye nezootitshala kumaziko emfundo yabadala.
|
| 1.3 |
Amanqaku ovavanyo olwenziwa liziko anikwa ngamaziko lawo kuxwebhu lwamanqaku lwe-ABAS 2 aye avunywa ngabacebisi ngezekharityhulam bee-EMDC, abaye bakhuphele amanqaku kwishedyuli yekhompyutha ekubonelelwe ngayo liCandelo leeMviwo.
|
| 2. |
Intlanganiso yongqinisiso lokumodareyitha ka-UMALUSI-ABET Level 4
|
| 2.1 |
Iimodareyitha ezintathu zika-UMALUSI ziza kutyelela iNtshona Koloni ngowe-22 nowe-23 Meyi 2006 ukuza kungqinisisa ukumodareyithwa kovavanyo olwenzelwa emazikweni e-ABET Level 4. Ziya kungqinisisa ukumodareyithwa kweephothifoliyo zezi nkalo zezifundo zilandelayo:
ULwazi lweMathematika
IiSayensi zeNdalo
ULwazi ngezoBomi
|
| 2.2 |
I-ajenda yale ntlanganiso ihamba kunye nale ngcaciso imfutshane kwaye bayacelwa abacebisi ngezekharityhulam be-ABET ukuba baye kule ntlanganiso. Kufanele ukuba beze ubuncinane ne-10% yeephothifoliyo ezimodareyithiweyo kwinkalo yesifundo nganye kwiziko ngalinye kwezi nkalo zezifundo zintathu zikhankanywe apha ngasentla.
|
| 2.3 |
Iiphothifoliyo zootitshala kwiziko ngalinye kwinkalo yesifundo nganye mazihambe neephothifoliyo zabafundi, njengoko iimodareyitha zika-UMALUSI ziya kumodareyitha isampula yeephothifoliyo njengenxalenye yenkqubo yongqinisiso.
|
| 2.4 |
Abacebisi ngezekharityhulam mabazalise le shedyuli yekhompyutha yawo onke amaziko ngokumalunga nezi nkalo zezifundo zintathu phambi kokuba bafike entlanganisweni yowe-22 Meyi 2006.
|
| 3. |
Intlanganiso yokunika ingxelo ngobekuqhubeka (feedback) kootitshala
|
| 3.1 |
Ukongeza kule ntlanganiso yongqinisiso, iimodareyitha zika-UMALUSI ziya kubamba intlanganiso eyodwa yokunika ingxelo ngobekuqhubeka (feedback) kootitshala abafundisa ezi nkalo zintathu zezifundo zingentla. Bayamenywa aba titshala ukuba babekho kwintlanganiso eya kuba kwiziko lootitshala ngowe-23 Meyi ukususela ngo-13:30 ukuya ku-15:30.
|
| 3.2 |
Ziyacelwa ii-EMDC ukuba zazise uMnu J Parbhoo (jparbhoo@pgwc.gov.za) ungekadluli umhla we-17 Meyi 2006 ngenani lootitshala kwizithili zazo abanqwenela ukuya kule ntlanganiso.
|
| 4 |
Bayacelwa abacebisi ngezekharityhulam be-ABET ukuba benze zonke iinzame zokuya kule ntlanganiso, njengoko ubukho babo kule ntlanganiso bubalulekile gqitha ekunikeni ingxelo ngobekuqhubeka kumaziko emfundo yabadala.
|
ISAYINWE: NGU-T.C. SMIT
INTLOKO: YESEBE LEMFUNDO
UMHLA: 2006:04:28
|