| 1. |
IMisebenzi yoVavanyo yeMathematika yeBakala 9
|
| 1.1 |
Abacebisi ngezekharityhulam beMathematika kwi-EMDC baya kunika ikopi yeencwadi ezimbini ezinemizekelo yemisebenzi yeBakala 9 kutitshala weMathematika wesikolo ngasinye esineeklasi zeBakala 9 kwintlanganiso yeeklasta ngale kota (ikota yesikolo).
|
| 1.2 |
Ezi ncwadi zenzelwe ukunceda ootitshala beBakala 9 beMathematika ekumiseleni imigangatho nokunika imizekelo yeentlobo ezahlukeneyo zovavanyo ezifunwa yi-National Protocol on Assessment.
|
| 1.3 |
Imizekelo yaqokelelwa kootitshala ngexesha lenkqubo yokuqinisekisa (verification process) ngo-2005 kwaye iprintwe njengoko yayifunyenwe ivela ezikolweni. Ootitshala abanqwenela ukusebenzisa le misebenzi yovavanyo kwiiklasi zabo mabatshekishe iimpazamo.
|
| 1.4 |
Ukuba isikolo sakho asikazifumani iincwadi ekupheleni kwekota yesibini, kucelwa ukuba uqhagamshelana nomcebisi ngezekharityhulam weMathematika kwi-EMDC yakho.
|
| 1.5 |
Abacebisi ngezekharityhulam banethemba lokufumana imizekelo engaphezulu kootitshala ku-2006, ukwenzela ukuba kuprintwe enye incwadi ngo-2007. Imisebenzi yovavanyo engeniswe ngekhomyutha (submitted electronically) iya kufakwa kwiziko lewebhu lekharityhulam: http://curriculum.wcape.school.za phantsi kwe-Mathematics (GET) in 2007.
|
| 1.6 |
ISebe i-WCED libulela bonke abo titshala bangenise imisebenzi yovavanyo ku-2005.
|
| 2. |
I-CD yemizekelo enemifanekiso yeMathematika (Mathematics Illustrative Examples)
|
| 2.1 |
Ngexesha leKhosi yoQeqesho lokuQhelwaniso neZifundo zeNCS zeBakala 8 no-9 ukususela nge-10 ukuya kwi-14 Julayi, utitshala weMathematika kwisikolo ngasinye uya kufumana i-CD aze ayisayinele.
|
| 2.2 |
I-CD inika imizekelo ebonisa imifanekiso kumgangatho ngamnye woVavanyo lweMathematika (NCS Mathematics Assessment Standards) ukususela kwiBakala R ukuya kwiBakala 9 ukuncedisa ootitshala ekucaciseni iMigangatho yoVavanyo.
|
| 2.3 |
Ootitshala bayacetyiswa ukuba le mizekelo ibonisa imifanekiso izizikhokelo nje kuphela nokuba i-CD ayiyithathi indawo yencwadi yesifundo (textbook). Ukuba utitshala ufundisa kuphela imizekelo ekule-CD, abafundi abayi kuba bayigqibe ngokupheleleyo nangokwaneleyo ikharityhulam.
|
ISebe le-WCED linethemba lokuba ezi zixhobo ziya kunceda ootitshala ekuphunyezweni kweNCS ngo-2007.
ISAYINWE: NGU-T.SMIT
INTLOKO: YESEBE LEMFUNDO
UMHLA: 2006:05:05
|