1. |
Esinye seziphumo zokufunda zeNkcazo yeKharityhulam kaZwelonke yamaBakala 10-12 (iZifundo ngokuBanzi – General)) soLwazi ngezoBomi (Life Orientation) sithi “umfundi makabe nako ukubonisa izinto azaziyo yena buqu (self-knowledge) kwaye akwazi ukwenza izigqibo ezizizo ezibonisa ukuba nolwazi kwakhe malunga nokuqhubela phambili ngezifundo, iinkalo zomsebenzi (career fields) kunye nokulandela ikhondo lezifundo elikhokelela kumsebenzi awunqwenelayo (career pathing).”
|
2. |
I-WCED izimisele ukuqinisekisa ukuba bonke abafundi beFET banako ukubonisa ulwazi kunye nezakhono eziqulethwe kwesi siphumo sokufunda ngokubanika amathuba okuba babone iintlobo ngeentlobo zemisebenzi.
|
3. |
Ukuphendula ikhwelo elihlatywe nguzwelonke lokuthatha umntwana oyintombazana uye naye emsebenzini nge-25 Meyi 2006, iSebe leMfundo leNtshona Koloni linqwenela ukucela zonke izikolo zithathe inxaxheba kule projekthi ngokwazisa amantombazana ngekhondo lomsebenzi wobutitshala.
|
4. |
Kucetyiswa ukuba isikolo ngasinye masikhethe amantombazana alishumi eBakala 10 anomdla kubutitshala, aze aboniswe iprogram eya kukhuthaza umdla wabo kwikhondo lobutitshala.
|
5. |
Izikolo zivumelekile ukuba zizenzele izigqibo ngefomathi yale program, kodwa mazithathele ingqalelo ezi ngcebiso zilandelayo:
|
5.1 |
Vumela amantombazana akhethiweyo atyelele iiklasi zesikolo saseprayimari esikufuphi ukuya kujonga indlela yokufundiswa kwabafundi abaselula.
|
5.2 |
Yenza amalungiselelo okuba amantombazana atyelele iziko lemfundo ephakamileyo lokuqeqesha abafundi ubutitshala.
|
5.3 |
Yenza amalungiselelo okuba amantombazana atyelele isikolo apho aya kuba nako ukujonga indlela yokufundisa abafundi abaneemfuno zemfundo ezizodwa (special educational needs).
|
6. |
Izikolo zivumelekile ukuba zenzele amakhwenkwe amalungiselelo anje ngala kamva enyakeni.
|
7. |
Ziyacelwa iinqununu ukuba zincede zazise okubhalwe kule ngcaciso imfutshane bonke ootitshala abakwizikolo zeWCED ukuze bakuthathele ingqalelo.
|
ISAYINWE: NGU-T.C. SMIT
INTLOKO: YESEBE LEMFUNDO
UMHLA: 2006:04:26
|