1. Njengenxalenye yesiCwangciso seMathematika, iSayensi neThekhinoloji seSebe leMfundo leNtshona Koloni (WCED MST Strategy), iikhithi ze-MST zesiGaba seSiseko nesiGaba esiPhakathi zasiwa kuzo zonke izikolo eziziprayimari ngo-2004 nango-2005. Ukwenzela ukukhuthaza ukubethelelwa kweekhonsepthi ezisisiseko (basic concepts) kwiMathematika, izikolo zanikwa ii-Mental Mathematics Flipbooks zamaBakala 1 – 6.
2. ISebe leMfundo leNtshona Koloni (i-WCED) licela iinqununu neekomiti zolawulo lwezikolo (school management teams) ukuba zikhuthaze ootitshala bazisebenzise ezi ncwadi ukuncedisa ekuphumezeni imfundo ejolise kwiziphumo nokukhuthaza ukufunda ngamandla.
3. Kucelwa niqaphele ukuba ii-Mental Mathematics Flipbooks azithathi indawo yeprogram yokufunda iMathematika. Injongo yemizuzu eli-10 ngosuku yezibalo ezibalwa ngentloko ngokukhawuleza ze-Mental Mathematics kukwandisa iprogram yokufunda iMathematika nokubethelela iikhonsepthi ezifundwe kunyaka odlulileyo. Ikwanceda ootitshala ekwenzeni abafundi bacinge izinto ezintsokothe ngakumbi.
4. Ukwenzela ukuqinisekisa ngempumelelo noncedo oluzuzwa kwii-Mental Mathematics Flipbooks, i-WCED icela ukuba iintloko zezifundo zamacandelo (heads of department) zithetha-thethane nootitshala abachaphazelekayo ezikolweni zazo zize zizalise ikhweshine eqhotyoshelweyo. Kucelwa niyizalise ikhweshine ngokwesigaba ngasinye, ninike eyona mpendulo edla ngokunikwa ngootitshala.

Kucelwa niyibuyise ikhweshine ungekadluli owe-10 Matshi 2006 kulo Head: Education, Western Cape Education Department, for attention: Mrs L. Malan, WCED, Room 803, Private Bag X9114, CAPE TOWN, 8000 okanye niyifeksele apha: 021 467 2258.

Sivakalisa umbulelo kwangoku ngokuvuma kwenu ukuthatha inxaxheba kule saveyi.


ISAYINWE: NGU-J.P. RAULT-SMITH
INTLOKO: YESEBE LEMFUNDO
UMHLA: 2006:02:17

iKhweshine  (ubukhulu: 27 KB)