1. |
Ukuqaliswa kwekharityhulam entsha ngumngeni omkhulu, kodwa kukwayinto entle ukuzikisa ucinge ngendlela owenza ngayo umsebenzi uze indlela oqhuba ngayo uyilawule ngandlela zonke ibe yeyakho. Iikhosi zoqeqesho lokuqhelanisa ootitshala bamaBakala 8 - 9 ngoJulayi nangoSeptemba 2006 zizisa elinye ithuba lokuphucula umgangatho wemfundo, ngokuthi kugxininiswe uvavanyo, ucwangiso kwaneendlela zokufundisa nezinto ezifunekayo eklasini.
|
2. |
Njengoko kuchaziwe kwiSetyhula 0066/2005, uMgaqo-nkqubo weNkcazo yeKharityhulam kaZwelonke (National Curriculum Statement) amaBakala R - 9 (Izikolo) uya kuqaliswa kumaBakala 8 - 9 ngo-2007.
|
3. |
Iikhosi ezimbini zoqeqesho lokuqhelanisa ootitshala ziya kwenziwa kwinkalo yesifundo nganye, enye ngoJulayi ukuze enye ibe ngoSeptemba.
|
3.1 |
Ikhosi yeentsuku ezi-5 yoqeqesho lokuqhelanisa ootitshala kwinkalo yesifundo nganye kwezisibhozo iya kwenzelwa bonke ootitshala bamaBakala 8 - 9 kwiinkalo zofunda eziphambili abazifundisayo ukususela kwi-10 ukuya kwi-14 Julayi 2006.
|
3.2 |
Ikhosi yeentsuku ezi-4 yoqeqesho lokuqhelanisa ootitshala kwinkalo yesifundo nganye kwezisibhozo iya kwenzelwa abo titshala bafundisa inkalo yesifundo yesibini ukususela kwi-26 ukuya kwi-29 Septemba 2006.
|
3.2.1 |
Ikhosi yeentsuku ezi-4 ekuphindwa kuyo ikhosi kaJulayi, kodwa lungaphindwa uSuku loku-1.
|
3.2.2 |
Le khosi iya kwenza ootitshala abafundisa ngaphezu kwenkalo yesifundo enye, bakwazi ukuya kwikhosi yesibini kwinkalo yesifundo abayifundisayo.
|
4. |
Ziyacelwa iinqununu ukuba zibhalise bonke ootitshala bamaBakala 8 - 9 ukulungiselela uqeqesho lukaJulayi, noSeptemba apho kuyimfuneko, ungadlulanga umhla wama-24 Februwari 2006 ngokuzalisa le fom iqhotyoshelweyo, zize ziyithumele ngefeksi okanye nge-imeyili kwii-EMDC zazo. Xa kuthunyelwa le fom nge-imeyili, ziyacelwa iinqununu ukuba zisebenzise oku kulandelayo kumgca wesihloko (subject line) kwiHlomelo A: IBakala 8 & 9.
|
5. |
Mazincede iinqununu ziqaphele ukuba ootitshala abaqeshwe ngamabhunga olawulo ezikolo bavumelekile ukuba beze kwezi khosi zoqeqesho, kodwa abanako ukwenza amabango entlawulo yeendleko zehambo.
|
6. |
Akuvumelekanga konke konke ukuba ootitshala barhoxe ukuza kwikhosi kaJulayi, njengoko isikolo siya kuthwala ityala lokuba sihlawule iindleko eziphepheleyo ekungenwe kuzo kwimeko apho bathe ootitshala ababhalisileyo abaphumelela ukuza ekhosini.
|
7. |
Ziya kwaziswa iinqununu ngeendawo zeekhosi phambi kokuphela kwekota yokuqala.
|
8. |
Iya kuthakazelelwa kakhulu intsebenziswano yenu malunga noku.
|
ISAYINWE: NGU-J.P. RAULT-SMITH
INTLOKO: YESEBE LEMFUNDO
UMHLA: 2006:02:10
|