Die MIV/VIGS-lewensvaardighedeprogram van die Wes-Kaap Onderwysdepartement (WKOD) nooi u hartlik uit na 'n 2 ½-uur inligting- en oriëntasiewerkswinkel oor portuuronderrig. Die doel van hierdie werkswinkel is om die WKOD/GoLD-konsepraamwerk en implementeringstrategie vir portuuronderrig met u te deel, sodat u skool proaktief kan deelneem en ondersteuning kan bied aan die diensverskaffer wat die program by u skool implementeer. Die GoLD (Generation of Leaders Discovered)-model vir portuuronderrig is 'n streng, gehalteversekerde benadering tot jeugleierskap in MIV-voorkoming, risikogedragvermindering en skool-gemeenskapsgebaseerde ondersteuning vir kwesbare jeug. In 2005 is GoLD-portuuronderrig in 94 hoërskole geïmplementeer; en in 2006 sal die program uitgebrei word na 147 hoërskole in die provinsie (Sien asb. aangehegte lys.) Die implementering van GoLD-portuuronderrig in skole word hoofsaaklik (maar nie uitsluitlik nie) bevonds deur die Global Fund to Fight AIDS, Tuberculosis and Malaria (aangebied deur die Gesondheidsdepartement) en die MIV/VIGS Voorwaardelike Lewensvaardighedetoekenning (deur die WKOD geadministreer). Addisionele finansiële ondersteuning, verbonde aan plaaslike belangstelling, sou die WKOD in staat stel om hierdie inisiatief na ander skole uit te brei. Nie-deelnemende skole word dus aangemoedig om met die program in hierdie verband in aanraking te kom. Die volgende dokumente is aangeheg:
Verdere inligting kan verkry word van die GoLD-portuuronderwys-ontwikkelingsagentskap by tel 021 685 5039 of by e-posadres rsvp@goldpe.org.za GETEKEN: M.J. THERON |