| 1. |
Die Direktoraat: Inrigtingsbestuur-en-beheerbeplannig (IBBB) het die Skoolbeheer-liggaam(SBL)-konferensie op 30 September 2006 gereël. IBBB wil graag die SBL-lede en skoolhoofde wat die konferensie bygewoon en dit so 'n verrykende ervaring gemaak het, opreg bedank.
|
| 2. |
Tydens die konferensie het die Direktoraat: IBBB onderneem om dokumente oor die onderwerpe wat aangebied is aan alle skole en SBL'e beskikbaar te stel.
|
| 3. |
Hierdie dokumente, plus bykomende inligting, is saamgestel in lêers en word onder alle skole versprei deur die OBOS'e. Bykomende onderwerpe mag later tot die naslaanlêers bygevoeg word en onderwerpe kan hersien word soos nodig.
|
| 4. |
Die naslaanlêers is vir gebruik deur beide die skool en die SBL-lede en moet by die skool gehou word. Wanneer 'n lêer deur enigeen geneem word vir verwysing, moet 'n register gehou word van die naam van persoon wat die lêer neem, die datum waarop die lêer geneem is en sy/haar handtekening. Wanneer die persoon die lêer terugbring, moet die skoolhoof of sy/haar gedelegeerde vir ontvangs van die lêer teken in die register.
|
| 5. |
Tans bevat die lêers slegs 'n Engelse weergawe van al die dokumente. Die dokumente word tans in Afrikaans en Xhosa vertaal, en sal op 'n later datum versprei word. Elke skool sal dus 'n Engelse weergawe ontvang en 'n tweede weergawe in die taal van hul keuse.
|
| 6. |
Skole en SBL'e word versoek om die versoekvorm aangeheg aan hierdie minuut in te vul om aan te dui in watter taal hulle die tweede lêer wil hê. Faks asseblief die voltooide vorm na mnr S Philander, Direktoraat: IBBB, by faksnommer 021 467 2268.
|
| 7. |
Die tweede lêer sal versend word met ontvangs van die skool se volledig ingevulde versoekvorm.
|
| 8. |
U samewerking word waardeer.
|
GETEKEN: D.R. SHEPHERD
HOOF: ONDERWYS
DATUM: 2006:10:16
|