| 1. |
Ingevolge paragraaf (1), Artikel 11, Hoofstuk 2 van die Suid-Afrikaanse Skolewet (Wet 84/1996) moet ‘n verteenwoordigende raad van leerders van die skool by elke openbare skool wat leerders in die agste graad of hoër inskryf, ingestel word, en hierdie raad is die enigste erkende en wettige verteenwoordigende leerderliggaam by die skool.
|
| 2. |
Buitengewone Provinsiale Staatskoerant 5946 van 31 Januarie 2003 bevat maatreëls vir die samestelling, funksies, verkiesingsprosedures en ontbinding van ‘n VRL en die ontslag van ‘n individuele lid van ‘n VRL.
|
| 3. |
Dit is wenslik dat die proses vir die VRL-verkiesings teen die eerste week van Februarie afgehandel word om te verseker dat die VRL’e diens lewer vir ‘n volle termyn. Skole wat nog nie die verkiesing van die VRL voltooi het nie word aangemoedig om dit so gou as moontlik te doen.
|
| 4. |
Prinsipale word hiermee versoek om die name van verkose VRL-lede in te dien deur die bygaande vorm te voltooi. Ampsdraers en skoolbeheerligaamverteenwoordigers moet duidelik aangetoon word in die kolomme wat voorsien word.
|
| 5. |
Voltooide vorms moet teruggestuur word na die Direktoraat Inrigtingsbestuur- en –Beheer- beplanning by bogenoemde faksnommer of per elektroniese pos aan rcl@pgwc.gov.za nie later nie as 12 Mei 2006.
|
| 6. |
Bring asseblief die inhoud van hierdie minuut onder die aandag van alle belanghebbendes.
|
GETEKEN: D.R. SHEPHERD
HOOF: ONDERWYS
DATUM: 2006:04:20
|