1. Die Wes-Kaap Onderwysdepartement (WKOD) het die Werknemersgesondheids-en-welstandsprogram (WGWP) gegrond op die waargenome behoeftes en wense van sy werknemers, in erkenning van sy verantwoordelikheid om die welstand van sy werknemens te bestuur en van die belangrikheid van die voorsiening van ondersteuning. Die WGWP voorsien ondersteuning en leiding aan werknemers wanneer hulle met uitdagings en geleenthede in die lewe te make het. Die program het ten doel om te beklemtoon dat individue verantwoordelikheid vir hulle eie gesondheid en welstand moet neem.
2. Die WKOD, as 'n verantwoordelike werkgewer, is daarvan bewus dat 'n personeellid met probleme nie sy of haar beste werk kan lewer nie tensy welstand deel van die organisatoriese kultuur gemaak word. Die WKOD moet dus sy werknemers 'n geleentheid bied om te glo dat hulle in 'n opbouende en ondersteunende omgewing werk waar hulle 'n kans gegun word om blootgestel te word aan verskillende maniere om na hulle algehele welstand om te sien.
3. Die WKOD sal dus van 11:00 tot 16:00 op 23 November 2006 'n Werknemersgesondheids-en-welstandsdag hou by die Hoërskool Gardens Commercial , Plein Straat, Kaapstad, waar die volgende dienste gratis aan werknemers gebied sal word:

  • Voeding: Gesonde eetgewoontes

  • TB-bewustheid

  • Vrywillige Berading en Toetsing (VBT)

  • Bewusmaking van middelmisbruik (SANCA)

  • Kankervereniging van Suid-Afrika (CANSA)

  • Cholesterol-meting

  • Hipertensie

  • Papsmeer

  • Borskankerondersoeke

  • Berading

  • Holistiese masseerterapie

  • Joga-meditasie

  • Avon - Gesigbehandelings

  • Oogtoetse
4. Die WKOD tree deur middel van hierdie geleentheid proaktief op om sy werknemers te help met die vroeë opsporing van enige siekte wat doeltreffende dienslewering in die wiele kan ry.
5. Let asseblief daarop dat die Gesondheids-en-welsynsdag op die volgende wyse gestruktureer sal word:

  • Werknemers sal van die interne vervoerdiens gebruik maak wat deur die Direktoraat: Menslikehulpbronontwikkeling voorsien word

  • Hulle sal by die Pleinstraat-ingang opgelaai word en na die lokaal geneem word.

  • Elke werknemer sal 'n toegangskoepon ontvang. Hierdie toegangskoeponne sal aan die sekretaresses van die direktorate gestuur word 48 uur voor die geleentheid.
6. Sien asseblief die aangehegte bylae. Werknemers wat die Welsynsdagaktiwiteite wil bywoon, moet die tye op die vorm aandui waarop hulle wil deelneem en moet dit deur die direkteur laat goedkeur om seker te maak dat dienslewering steeds sal plaasvind.

Vervoerdiens: vertrek- en terugkeertye 

VERTREK  TERUGKEERTYE
 10:00      11:30
 11:00      12:30
 12:00      13:30
 13:00      14:30
 14:00      15:30
 15:00      16:00



GETEKEN: E. KIRSTEN
HOOF: ONDERWYS
DATUM: 2006:11:13

Bylae A  (grootte: 8 KB)