1. Die Nasionale Onderwystoekennings verleen erkenning aan uitmuntendheid en 'n hoë vlak van professionalisme en skep die geleentheid vir die onderwysprofessie om die prestasies van uitstaande opvoeders te vier. Daarbenewens vestig hulle die aandag op die uitsonderlike werk wat deur opvoeders in die algemeen gedoen word. Die Wes-Kaap Onderwysdepartement is trots daarop om die aanbieder en organiseerder van die Nasionale Onderwystoekennings in die provinsie te wees.
2. Die verskillende kategorieë van toekennings is soos volg: 
UITNEMENDHEID IN VROEëKINDONTWIKKELING
UITNEMENDHEID IN LAERSKOOLONDERRIG
UITNEMENDHEID IN SEKONDêRESKOOLONDERRIG 
UITNEMENDHEID IN LEIERSKAP OP LAERSKOOLVLAK
UITNEMENDHEID IN LEIERSKAP OP SEKONDêRESKOOLVLAK
UITNEMENDHEID IN SPESIALEONDERWYSBEHOEFTESONDERRIG
UITNEMENDHEID IN BASIESE VOLWASSENEONDERRIG EN -OPLEIDING
LEWENSLANGEPRESTASIETOEKENNING

Daar sal ook geldelike toekennings wees vir skole waar klusterwenners, provinsiale wenners en nasionale wenners onderrig gee.
3. Alle opvoeders word uitgenooi om deel te wees van die proses deur nominasies by hulle skoolhoofde/sentrumbestuurders in te dien. Op hulle beurt sal laasgenoemdes die nominasies aanstuur na die koördineerders by die onderskeie Onderwysbeheer-en-ontwikkelingsentrums (OBOS'e). Die kriteria en formaat van die nominasies is aangeheg. Indien u enige verdere kopieë of inligting benodig, tree asseblief in verbinding met een van die volgende OBOS-köordineerders: 
Suid-Kaap & Karoo:       dr Fernholdt Galant            028 713 2928
Breederivier & Overberg: Johan van Tonder               028 414 1321
Weskus & Wynland:        JA Mouton en 
                         dr Michael le Cordeur          022 482 1383
Metropool-Suid:          Karen Dudley en Dryfus Jonas   021 370 2000
Metropool-Oos:           Philip Saunders en Nelson Mama 021 903 1729
Metropool-Noord:         Trevor Adams en Spencer Tonkin 021 938 3000
Metropool-Sentraal:      Alton Koense                   021 659 4375
4. Nominasievorms en verdere inligting kan afgelaai word van die webtuiste van die Direktoraat: Menslikehulpbronontwikkeling by http://www.hrd.wcape.school.za
5. Die sluitingsdatum vir alle nominasies is 28 Julie 2006.
6. Bring asseblief die inhoud van hierdie minuut onder die aandag van al u personeellede.


GETEKEN: E.D. KIRSTEN
HOOF: ONDERWYS
DATUM: 2006:06:01