1. ‘n Groot aantal permanente opvoeders in diens van die Wes-Kaap Onderwysdepartement (WKOD) is ondergekwalifiseer ingevolge die minimum professionele vereiste vir onderwysers om by die Suid-Afrikaanse Raad vir Opvoeders (SARO) geregistreer te wees.
2. Die oogmerk met die NPOD is om opvoeders wie se kwalifikasies tans gegradeer is as ROKW 12 of daaronder, van ‘n kwalifikasie te voorsien wat gegradeer is as ROKW 13, wat die minimumvereiste is.
3. Die normale duur van die diplomakursus is twee jaar van deeltydse studie.
4. Die diplomakursus sal deur die Universiteit van die Wes-Kaap (UWK) en die Kaapse Skiereiland Universiteit van Tegnologie (KSUT) aangebied word.
5. Die Nasionale Departement van Onderwys bied beurse, deur die Nederlandse Sektorale Begroting, aan wat die opleidingskoste verbonde aan die diplomakursus sal dek vir onderwysers wat belangstel om hulle kwalifikasies te verbeter.
6. Ondergekwalifiseerde opvoeders wie se kwalifikasies tans geklassifiseer word as Relatiewe Opvoedkundige Kwalifikasiewaarde (ROKW) 12 word uitgenooi om om hierdie beurse aansoek te doen.
7. Altesame 208 studente sal in 2006 geakkommodeer word, en sal soos volg geselekteer word:

70 Grondslagfase- en 34 Intermedięrefase-opvoeders van die metropool-OBOS’e

70 Grondslagfase- en 34 Intermedięrefase-opvoeders van die landelike OBOS’e

L.W. Kontaksessies vir opvoeders van die landelike OBOS’e sal in Wellington plaasvind. Die beurs maak nie voorsiening vir reiskoste nie.
8. Kursusse sal vroeg in Maart 2006 ‘n aanvang neem.
9. Opvoeders wat om ‘n beurs wil aansoek doen, moet die aangehegte aansoekvorm en NPOD-ooreenkoms invul. Gefotostateerde afskrifte is aanvaarbaar, mits hulle leesbaar is.
10. Aansoekvorms wat korrek ingevul is, moet voor of op Vrydag, 10 Februarie 2006 via prinsipale ingehandig word by 
Die Hoof: Onderwys
Wes-Kaap Onderwysdepartement
Vir aandag: Mnr G de Bruyn (Kamer 8-78)
Direktoraat: Menslikehulpbronontwikkeling
Grand Central Towers
Laer Parlementstraat
KAAPSTAD
8000
11. Bring asseblief die inhoud van hierdie minuut onder die aandag van alle belanghebbendes.
12. U samewerking sal waardeer word.


GETEKEN: E.D. KIRSTEN
HOOF: ONDERWYS
DATUM: 2006:01:31

Aansoekvorm  (grootte: 33 KB)
NPOD-ooreenkoms  (grootte: 29 KB)