| 1. |
Die 16 Dae van Aktivisme: Geen Geweld Teen Vroue is 'n jaarlikse veldtog deur die Verenigde Nasies wat vanjaar vanaf 25 November (Internasionale Dag van Geen Geweld Teen Vroue) tot 10 Desember 2006 (Internasionale Menseregtedag) gehou word. Die Suid-Afrikaanse Regering stuur terselfdertyd 'n geen-geweld-teen-kinders-veldtog van stapel.
|
| 2. |
Die doel van die veldtog is om bewustheid onder Suid-Afrikaners te verhoog oor die geweld teen vroue en kinders, oor hoe dit in Suid-Afrikaanse gemeenskappe manifesteer en oor die impak daarvan op blootgestelde groepe.
|
| 3. |
In 'n poging om bewustheid onder personeel van die Wes-Kaap Onderwysdepartement te bevorder, het die Direktoraat: Menslikehulpbronontwikkeling 'n 16-dagkalender ontwerp en elke werknemer word aangemoedig om aan die aktiwiteite deel te neem wat op die kalender aangeteken is. Daar word gehoop dat werknemers sodoende meer bewus sal word van die lot van misbruikte vroue en kinders in ons gemeenskap en alles in hulle vermoë sal doen om die regte van die weerloses te verdedig.
|
| 4. |
'n Kalender vir die 16 Dae van Aktivisme word hierby aangeheg.
|
GETEKEN: E. KIRSTEN
HOOF: ONDERWYS
DATUM: 2006:10:19
|