1. Die Kaapse Onderwysinstituut (KOI) sal gedurende die skooljaar in 2007 kursusse vir opvoeders en skoolbestuurders aanbied, soos uiteengesit in Bylae A, B, C en D.
2. Opvoeders wat hierdie kursusse wil bywoon, word aangeraai om via die OBOS-beamptes te registreer, soos aangedui in Bylae E.
3. Kursusse word 'n hele aantal keer herhaal ten einde verskillende groepe opvoeders die geleentheid te bied om dit by te woon.
4. Slegs ses-en-vyftig opvoeders kan per kursus geregistreer word. Hierdie opvoeders sal uit al sewe OBOS'e in die provinsie gekies word. Dit beteken dat slegs 'n beperkte aantal opvoeders 'n kursus op 'n gegewe tydstip kan bywoon.
5. Kursusse wat drie of vier weke duur, is in twee blokke verdeel om opvoeders die geleentheid te gee om terug te gaan skool toe en die opleiding te implementeer.
5.1 'n Drieweke-kursus het twee blokke - 'n eerste blok van twee weke en 'n tweede blok van een week.
5.2 'n Vierweke-kursus het twee blokke van twee weke per blok.
6. 'n Opvoeders moet beide blok een en blok twee van dieselfde kursus bywoon ten einde die volle kursus af te handel. Indien 'n opvoeder byvoorbeeld kursus 3, die Syferkundigheidskursus vir die Grondslagfase, wil bywoon, sal die opvoeder blok een van hierdie kursus van 14 Mei tot 25 Mei 2006 deurloop en die kursus voltooi deur blok twee van 27 Augustus tot 7 September 2006 by te woon.
7. Daar kan nie tussen blokke van verskillende kursusse verwissel word nie.
8. Opvoeders moet dus kursusse kies wat sal plaasvind gedurende tye waarop hulle beskikbaar sal wees om die volle kursus by te woon.
9. Nominasies van OBOS-amptenare vir kursusse wat gedurende die eerste kwartaal van 2007 aangebied word, moet die KOI voor 20 November 2006 bereik ten einde die registrasieproses vir die eerste kwartaal van 2007 glad te laat verloop.
10. Skakel gerus met me Nobantu Pasiya by 021 900 5022 of per e-pos by npasiya@pgwc.gov.za. vir meer inligting.
11. Bring asseblief die inhoud van hierdie minuut onder die aandag van alle opvoeders.


GETEKEN: E. KIRSTEN
HOOF: ONDERWYS
DATUM: 2006:10:17

Bylae A  (grootte: 12 KB)
Bylae B  (grootte: 12 KB)
Bylae C  (grootte: 12 KB)
Bylae D  (grootte: 12 KB)
Bylae E  (grootte: 11 KB)