1. Elke organisasie moet die ontplooiing van sy menslike hulpbronne beplan ten einde sy diensbehoeftes en -doelwitte te bereik. As gevolg van Suid-Afrika se gesegregeerde verlede, moet ons beplan ten einde alle geskikte burgers gelyke toegang tot die werksomgewing te bied.
2. Die oogmerke van die Wet op Diensbillikheid, 1998, (Employment Equity Act, 1998  [grootte: 2 313 KB] ) is om die volgende te verseker:
(a) 'n Verteenwoordigende werksmag
(b) Gelyke geleenthede
(c) Implementering van regstellende-aksiemaatreëls
3. Nadat die WKOD sy Diensbillikheidsplan in 2002 aanvaar het, is 'n aantal riglyne en direktiewe opgestel en geraadpleeg om voldoening aan die Wet te bewerkstellig. Gedurende 2005 het die WKOD 'n beleidsimplementeringsdirektief vir onderwysinrigtings opgestel ten einde voldoening aan die WKOD se Diensbillikheidsplan en sy doelwitte, sowel as die doelwitte van die Wet op Diensbillikheid, 1998, te verseker. Hierdie direktief word aangeheg as Bylae A en die bepalings daarin vervat sal onmiddellik geïmplementeer word en van krag wees.
4. U samewerking om te verseker dat die WKOD die Wet en sy doelwitte nakom, sal waardeer word.


GETEKEN: E.D. KIRSTEN
HOOF: ONDERWYS
DATUM: 2006:01:11

Bylae A  (grootte: 48 KB)