1. |
Die Wes-Kaap Onderwysdepartement nooi alle prinsipale, skoolbestuurspanne, skoolbeheerliggame, onderwysers, ouers en leerders uit om diensdoende en afgetrede Wiskunde- en Wetenskaponderwysers in hulle gemeenskap te nomineer vir die Aggrey Klaaste Opvoeder van die Jaar toekenning in Wiskunde, Wetenskap en Tegnologie vir 2006
|
2. |
Die hoofborge vir hierdie toekennings vir uitnemendheid in die onderrig van hierdie kernvakke is Die Telkomstigting en The Sowetan.
|
3. |
Let asseblief op die volgende belangrike inligting aangaande nominasies:
|
3.1 |
‘n Nominasievorm is by hierdie minuut ingesluit. Fotokopieë van hierdie nominasievorm sal aanvaar word.
|
3.2 |
Nominasies word ingewag vir onderwysers in die volgende kategorieë :
(i) |
Diensdoende opvoeder: VOO-fase (Graad 10 - 12)
|
(ii) |
Diensdoende opvoeder: AOO-fase (Graad 4 - 9)
|
|
3.3 |
Maak asseblief seker dat die nominasievorm volledig ingevul is.
|
3.4 |
Nomineerders moet die nominasiekriteria op die nominasievorm gebruik om te besluit of die genomineerde aan die vereistes vir oorweging vir ‘n toekenning voldoen.
|
3.5 |
Die portefeulje van die genomineerde mag saam met die nominasie voorgelê word, maar dit is nie ‘n vereiste vir OBOS-beoordeling nie. Daar sal egter van die ontvanger van ‘n OBOS-toekenning wat oorweeg word vir ‘n provinsiale toekenning verwag word om ‘n portefeulje voor te berei.
|
3.6 |
Voltooide nominasievorms moet aan die hoofkurrikulumadviseur by u OBOS gestuur word. Dit moet duidelik aangedui word met "Vir die aandag van: Hoofkurrikulumadviseur - Opvoeder van die Jaar-toekennings vir 2006 in Wiskunde, Wetenskap en Tegnologie". Die sluitingsdatum vir nominasies is 25 Augustus 2006.
|
4. |
Die ontvangers van provinsiale toekennings in die drie kategorieë sal oorweeg word vir nasionale toekennings wat in Johannesburg op 22 Maart 2007 oorhandig sal word.
|
5. |
Verwys asseblief na die keersy van die nominasievorm vir ‘n beskrywing van die pryse wat toegeken sal word op provinsiale en nasionale vlakke.
|
6. |
Vir verdere inligting, kontak u kurrikulumadviseur vir Wetenskap en Wiskunde by u OBOS of die provinsiale koördineerder, Gavin de Bruyn, by telefoon 021 467 2575 of e-posadres gdebruyn@pgwc.gov.za
|
7. |
U ondersteuning t.o.v. die erkenning van die prestasies van uitnemende onderwysers sal hoog op prys gestel word.
|
GETEKEN: E. KIRSTEN
HOOF: ONDERWYS
DATUM: 2006:07:10
|