1. Die Wes-Kaap Onderwysdepartement (WKOD) sal weer gedurende Oktober en November 2006 navorsing oor die vlakke van geletterdheid en syfervaardigheid onder alle graad 3-leerders in die provinsie onderneem.
2. Die Graad 3-assessering het ten doel om prestasie te meet en om leerders se vordering met betrekking tot geletterdheid en syfervaardigheid te bepaal. Hierdie assessering sal ook ‘n remediërende funksie hê en sal die WKOD help met die beplanning van ondersteuning en ontwikkelingswerk by skole.
3. Die Graad 3-assesseringstoets sal gebaseer word op die standaarde soos uiteengesit is in die WKOD se Teikenstandaarde vir Geletterdheid en Syfervaardigheid en die Nasionale Kurrikulumverklaring (NKV).
4. Voorbereidings het begin en alle skole met graad 3-leerders sal mettertyd in kennis gestel word van die prosedure en ander administratiewe besonderhede.
5. In teenstelling met die vorige assessering waarin slegs 'n maksimumsteekproef van 40 leerders getoets is, sal die hele kohort van graad 3-leerders in 2006 getoets word.
6. Die inhoud van hierdie minuut moet onder die aandag van alle betrokkenes en veral die graad 3-onderwysers gebring word.
7. Enige navrae rakende die inhoud van hierdie minuut moet gerig word aan dr RS Cornelissen by telefoonnommer 021 467 2286 of per e-pos by rcornelissen@pgwc.gov.za

U samewerking sal waardeer word.



GETEKEN: P. PRESENT
HOOF: ONDERWYS
DATUM: 2006:07:13