| 1. |
Die Wes-Kaap Onderwysdepartement (WKOD) is verantwoordelik vir die lewering van openbare onderwys van gehalte vir almal in die Wes-Kaap.
|
| 2. |
In ooreenstemming met Kollektiewe Ooreenkoms 8 van 2003, is die volgende drie programme, wat in een gehaltebestuurstelsel geïntegreer is, daargestel om die prestasie van die onderwysstelsel te monitor en te verhoog:
Ontwikkelingsevaluering (OE) Elke opvoeder word geëvalueer met die oog daarop om sy of haar sterk punte en areas vir ontwikkeling te identifiseer en geleenthede word verskaf vir individuele ontwikkeling (gebaseer op persoonlike groeiplanne).
Prestasiemeting (PM): Die prestasie van die opvoeder word gemeet vir aanspreeklikheidsdoeleindes.
Heelskoolevaluering (HSE): Die doel van Heelskoolevaluering is om die algehele doeltreffendheid van ‘n skool te evalueer, met ‘n spesiale fokus op die gehalte van onderwys en leer. Dit moet opgevolg word met ‘n program van ontwikkeling, ondersteuning en verbetering wat deur die distrik aangebied word.
|
| 3. |
Heelskoolevaluering sal in die Wes-Kaap geïmplementeer word vanaf 1 Mei 2006.
|
| 3.1 |
Gedurende ‘n heelskoolevalueringsbesoek sal die prestasie-evalueringsuitslae van die opvoeders ook geverifieer word, en ‘n verslag oor die ontwikkelingsevaluerings- en prestasiemetingsprosesse by die skool sal opgestel word.
|
| 3.2 |
Al die skole wat in 2006 besoek sal word, sal inligtingsessies kry voor die werklike besoek. Hierdie skole is wetenskaplik geselekteer deur die nasionale Onderwysdepartement.
|
| 3.3 |
Die Direktoraat: Gehalteversekering van die WKOD sal skole en die distrikte inlig aangaande die presiese datums van besoeke deur die heelskoolevalueringspan.
|
| 3.4 |
Tans is die Direktoraat Gehalteversekering besig met ‘n intensiewe bevorderingsprogram ten opsigte van heelskoolevaluering. Inligtingswmateriaal sal aan alle skole uitgereik word.
|
GETEKEN: L.J. ROSE
HOOF: ONDERWYS
DATUM: 2006:03:30
|