1. Gehalteversekeringminuut 002/2005 het alle belanghebbendes in kennis gestel van die skedule vir die indien van die summatiewe uitslae vir die siklus 1 Januarie – 31 Desember 2005. Die sperdatum vir die indien van uitslae by Geïntegreerde Gehaltebeheerstelsel- (GGBS-) koördineerders in die OBOS'e was 30 November 2005.
2. U word herinner dat die summatiewe uitslae vir 2005 ‘n voorvereiste vir enige inrigtinggebaseerde opvoeder is om vir salarisvordering in Julie 2006 in aanmerking te kom, mits die opvoeder ‘n uitslag van ‘Aanvaarbaar’ verwerf. Opvoeders wie se summatiewe uitslae nie reeds ontvang is nie, moet daarop let dat hierdie vertragings ‘n invloed sal hê op die modererings- en administratiewe prosesse.
3. Die suksesvolle implementering van die GGBS hang af van die samewerking van prinsipale, opvoeders en distrikspersoneel. Prinsipale is verantwoordelik daarvoor om seker te maak dat die summatiewe uitslae van alle opvoeders wat deur die WKOD vergoed word, in die korrekte formaat en teen die sperdatum by die GGBS-koördineerders ingedien word. Prinsipale is ook verantwoordelik daarvoor om seker te maak dat die nuwe (2006) siklus vanaf Januarie 2006 geïmplementeer word. Versuim om by die skedule te hou, sal ernstige gevolge hê op die bestuur van die volgende skedule.
4. Hoewel ons uitstekende samewerking van die meeste skole ontvang het, is daar ‘n paar skole wat nog nie hulle uitslae ingedien het nie. ‘n Finale aanmaning word hiermee aan laasgenoemde groep uitgereik ten einde te verseker dat alle agterstallige summatiewe uitslae die GGBS-koördineerder teen nie later nie as 14 Maart 2006 bereik.
5. Prinsipale word gemaan om die sperdatums vir 2006 na te kom, soos uiteengesit in die GGBS-kalender wat by Gehalteversekeringminuut 0001/2006 ingesluit is.


GETEKEN: L.J. ROSE
HOOF: ONDERWYS
DATUM: 2006:03:08