1. Die Direktoraat: Gehalteversekering het vergaderings gehou met al die toesighouers van kantoorgebaseerde beamptes gedurende die laaste kwartaal van 2005 en die eerste kwartaal van 2006 met die oog op die stel van standaarde.
2. Hierdie proses was noodsaaklik om konsekwentheid te verseker reg deur die WKOD ten opsigte van die volgende:

  • Werkplanne vir die verskillende personeelkategorieë

  • Algemene primêre standaarde wat op die Hoofkantoor en die OBOS'e van toepassing is.
3. Die algemene primêre standaarde sal verseker dat werkplanne

  • 'n voldoende en billike weerspieëling is van die vereistes en vlak van elke pos, en

  • van gelyke waarde is, veral waar 'n aantal personeellede eenderse take verrig.
4. Toesighouers is versoek om die standaarde aan die Direktoraat : Gehalteversekering voor te lê en tot op datum is 'n aantal standaarde vir die verskillende personeelkategorieë ontvang.
5. Toesighouers wat nog nie standaarde vir die verskillende kategorieë voorgelê het nie word daaraan herinner om dit teen 30 Januarie 2007 te doen.
6. Die standaarde sal in boekvorm saamgestel word om met moderering te help. Met die hersiening deur die afgevaardigde Hoof van die Departement (Hoof: Onderwys) of sy gedelegeerder van 'n ewekansige seleksie van werkplanne oor alle vlakke en areas om konsekwentheid te verseker, sal hierdie standaarde dan as 'n gids gebruik word.
7. U samewerking sal opreg waardeer word.


GETEKEN: L.J. ROSE
HOOF: ONDERWYS
DATUM: 2006:11:30