| 1. |
Die WKOD sal voortgaan om die prosesse te versterk en die instrumente te verfyn wat bedoel is om die gehalte van die onderwys in die provinsie te verbeter. Met die oog hierop het die WKOD in Oktober 2006 'n opleidingskursus aangebied in Metropool-Suid. (Hierdie opleidingskursus sal in die ander distrikte aangebied word in die tydperk Februarie tot April 2007.)
|
| 2. |
Daar word van elke skool verwag om 'n skoolverbeteringsplan (SVP) op te stel in die nuwe formaat soos hieronder gespesifiseer. Die 'ou' skoolontwikkelingsplan en die 'ou' SVP sal saamgevoeg word tot een SVP met twee dele:
Die nege fokusareas (wat die vorige SVP uitgemaak het)
Die onderwyserontwikkelingsbehoeftes, (soos bepaal n.a.v. die prestasie-metingsproses) wat deel uitmaak van Fokusarea 4: Gehalte van Onderrig en Leer en Opvoederontwikkeling, en wat die 'ou' SVP uitmaak.
|
| 3. |
Om te verseker dat alle skole duidelikheid het oor die formaat van die nuwe SVP, is dit belangrik dat die opleidingsessies, wat beplan is vir Februarie tot April 2007, bygewoon word deur alle prinsipale en HSE-koördineerders (sien Gehalteversekeringsminuut: 17/2006).
|
| 4. |
Vanaf 2007 sal die enigste term wat gebruik word 'Skoolverbeteringsplan' wees, om die skool se beplande intervensies t.o.v. die gapings en onderwyserbehoeftes in die kalenderjaar te weerspieël. Dit is baie nodig dat die SVP behoorlik ontwikkel word sodat die ontwikkelingsbehoeftes van die skool, insluitend dié van die opvoeders, akkuraat geïdentifiseer word. Die skool sal ondersteuning ontvang van drie deelnemers binne die stelsel: die skool self, die OBOS en Hoofkantoor. Sodoende sal die SVP aan die drie deelnemers duidelike rigting aandui t.o.v. die ondersteuning wat die skool behoort te ontvang.
Alle beplande GGBS aktiwiteite vir 2007 sal daarna strewe om die doeltreffende implimentering van die sisteme waarna hierbo verwys word, te bewerkstellig.
|
GETEKEN: L.J. ROSE
HOOF: ONDERWYS
DATUM: 2006:11:30
|