1. Die eerste siklus van die Geïntegreerde Gehaltebestuurstelsel (GGBS) wat van Januarie tot Desember 2005 geïmplementeer is, was ‘n uitdagende leerervaring vir alle betrokkenes. Ons wil graag alle opvoeders, lede van die Ontwikkelingsondersteuningsgroep (OOG), Personeelontwikkelingspanne (POS’e) en prinsipale bedank vir hulle bydrae tot die insluiting van die stelsel by hulle gehaltebestuurprosesse by hulle inrigtings.
2. Die Direktoraat Gehalteversekering het al die kwesssies en vrae bymekaargemaak wat gedurende die siklus ontstaan het. Sommige van hierdie kwessies is opgelos, maar ander hang af van besluite op nasionale vlak. Ons sal voortgaan om te poog om die stelsel te verfyn.
3. Om te verseker dat prinsipale, skoolbeheerspanne (SBS’e) en OOG’s goed beplan vir die implementering van die GGBS in die 2006-siklus (1 Januarie tot 31 Desember 2006), word dit voorgestel dat inrigtings dieaangehegte kalender (Bylae A) as ‘n gids gebruik. Hierbenewens sal elke opvoeder ‘n afsonderlike kalender ontvang wat inligting gee oor opvoederverantwoordelikhede ten opsigte van die GGBS. Die bedoeling in 2006 moet wees om die GGBS-prosesse met die normale funksionering van die inrigting te integreer. Daar is bevind dat, na gelang klasbesoeke normale praktyk by die skool word, GGBS in toenemende mate bydra tot verbeterde gehalte op alle fronte. Die gebruik van die “bewysdokument“ – elke skool sal hierdie boekie in Februarie 2006 ontvang – sal besonder waardevol wees in hierdie verband.
4. Wanneer heelskoolevaluering (HSE) in 2006 geïmplementeer word, sal die verifikasie van prestasieassesseringspunte geskied, soos per Kollektiewe Ooreenkoms 8 van 2003.
5. Die WKOD het opleidingsessies vir SOS’e georganiseer vanaf Februarie tot April 2006 wat sal fokus op die ontwikkeling van kennis en vaardighede vir die verbeterde bestuur van die GGBS by inrigtings. Die GGBS-koördineerder in u distrik sal u van die presiese datums vir hierdie opleiding in kennis stel.


GETEKEN: L.J. ROSE
HOOF: ONDERWYS
DATUM: 2006:01:17

Bylae A  (grootte: 24 KB)