1. |
Volgens die GGBS-skoolkalender vir 2006 moet die summatiewe evaluering wat in Augustus 2006 'n aanvang geneem het teen 31 Oktober 2006 afgehandel wees.
|
2. |
Die prinsipaal van elke inrigting onder die jurisdiksie van die Wes-Kaap Onderwysdepartement (WKOD) is verantwoordelik daarvoor om te verseker dat die summatiewe tellings van alle WKOD-besoldigde opvoeders by daardie inrigting ingehandig word aan die GGBS-koördineerder by die OBOS teen 14 November 2006, soos aangedui in die GGBS-skoolkalender van 2006.
|
3. |
Elke opvoeder se prestasietellings moet op rekord geplaas word op die Saamgestelde Punteblad vir Individuele Opvoeders (Bylae A).
|
4. |
Daarna moet al die opvoeders se prestasietellings aangebring word op die Opsommende Saamgestelde Punteblad (Bylae B). Hierdie dokument moet teen 14 November 2006 ingedien word.
|
5. |
Let daarop dat verskille of griewe bygelê moet word ingevolge die spesifikasies van paragraaf 10 van Kollektiewe Ooreenkoms 8 van 2003, voor die modereringproses by die skool plaasvind.
|
6. |
Die prinsipaal is verantwoordelik vir die interne modereringsproses van die tellings op skoolvlak.
|
7. |
Die aangehegte Stappe vir Moderering (Bylae C) moet gevolg word om die egtheid van punte te verseker.
|
8. |
Die kringbestuurder sal die tellings van die GGBS-koördineerder ontvang en die tellings per skool in die kring modereer.
|
9. |
Waar opvoeders weier om te voldoen aan die vereistes vir Kollektiewe Ooreenkoms 8 van 2003 aangaande prestasiemeting, sal die regulasies ingevolge dissiplinêre optrede van krag wees.
|
10. |
Herinner alle inrigtinggebaseerde opvoeders dat salarisvordering in Julie 2007 op die summatiewe evaluering van 2006 gebaseer sal word. Enige vertragings sal die implementering van salarisvordering bemoeilik.
|
11. |
Indien u enige navrae het, let asseblief daarop dat daar 'n verwisseling van personeel binne die Direktoraat Gehalteversekering was. Die besonderhede van die GGBS-koördineerders verskyn in Bylae D. Kontak asseblief hierdie persone om bystand. |
GETEKEN: L.J. ROSE
HOOF: ONDERWYS
DATUM: 2006:09:27
|