1. Die implementering van die 2006-siklus van die Geïntegreerde Gehaltebeheerstelsel (GGBS) verloop volgens plan. Heelskoolevaluering (HSE) is by verskeie skole afgeneem en ons wil die personeel van daardie skole bedank vir hulle positiewe reaksie op die terugvoer wat deur die HSE-spanne gegee is.
2. Die Direktoraat: Gehalteversekering beplan om opleiding te voorsien aan belanghebbendes met die oog op die voortgesette konsolidasie, verfyning en integrering van die drie elemente (Ontwikkelingsevaluering, Prestasiemeting en Heelskoolevaluering) van die Geïntegreerde Gehaltebeheerstelsel (GGBS).
3. Die oogmerk is om die opleiding tussen Oktober 2006 en April 2007 aan te bied. Hoewel bepaalde datums nog nie gefinaliseer is nie, sal dit van hulp wees indien die voorgestelde teikengroepe in kennis gestel kan word van die beoogde kapasiteitsbousessies wat op die aangehegte skedule aangedui word. Hou in gedagte dat die HSE-koördineerder op skoolvlak 'n lid van die personeelontwikkelingspan (POS) moet wees.
4. Vir opleidingsintervensie 1 sal 10 tot 12 sessies by elke OBOS gehou word en vir opleidingsintervensie 2 sal 15 tot 20 sessies by elke OBOS gehou word. Twee sessies sal per OBOS vir opledingsintervensie 3 plaasvind.
5. U sal die nodige inligting ontvang sodra die datums gefinaliseer is. Die GGBS-koördineerder in die distrikskantoor sal skole aan bepaalde lokale toewys sodat die opleidingsproses doeltreffend gekoördineer kan word.
6. U word versoek om die toepaslike inligting aan die betrokke personeel oor te dra.


GETEKEN: L.J. ROSE
HOOF: ONDERWYS
DATUM: 2006:09:14

Skedule  (grootte: 6 KB)