1. Die Direktoraat: Gehalteversekering het me Anelien Venter van Creative Educational Learning Aids aangestel om die implementering en vordering van die Prestasiebestuur-en-ontwikkelingskema (PBOS) vir kantoorgebaseerde opvoeders in die twee hoofdirektorate van die Tak: Operasies, agt direktorate by Hoofkantoor en sewe vir die OBOS'e te monitor en daaroor verslag te doen.
2. Dit word nodig geag om afsprake met verskeie hoofdirekteure, direkteure en kantoorgebaseerde opvoeders te reël, ten einde onderhoude met sodanige amptenare te voer. As 'n tydsbesparingsmaatreël sal die meeste van haar data-versameling elektronies plaasvind.
3. U word vriendelik versoek om vir die doeleindes van hierdie oudit, alle name van die kantoorgebaseerde opvoeders in u afdeling, met verwysing na hulle range, aan haar te verskaf. Vraelyste sal elektronies aan alle amptenare versend word, waarna 'n steekproef vir onderhoude gedoen sal word. Gedurende die onderhoude moet alle toepaslike dokumentasie vir verifikasie beskikbaar gestel word.
4. Stuur asseblief die lys van name aan anelienv@lantic.net
5. Bring asseblief die inhoud van hierdie minuut onder die aandag van alle kantoorgebaseerde opvoeders.
6. U samewerking in hierdie verband sal waardeer word.


GETEKEN: L.J. ROSE
HOOF: ONDERWYS
DATUM: 2006:08:30