| 1. |
‘n Ondersoek is deur die Direktoraat: Gehalteversekering van die Wes-Kaap Onderwysdepartement gelas om die implementering van die Geïntegreerde Gehaltebestuurstelsel (GGBS) in geselekteerde skole in die Wes-Kaap te monitor. Die doel van die ondersoek was om die volgende te vas te stel:
| (a) |
Die mate waartoe stappe in die siklus nagevolg word
|
| (b) |
Die mate waartoe strukture en rekordhouding in skole bestaan
|
| (c) |
Die vlakke van akkuraatheid en billikheid in die toepassing van die assesseringstelsel
|
| (d) |
Prioriteitsareas vir verdere opleiding en ondersteuning
|
|
| 2. |
Die aangehegte verslag oor die ondersoek gee ‘n aanduiding van hoe die stappe in die evaluering nagevolg word by geselekteerde skole. Alle skole implementeeer die assesseringsproses, maar daar is ruimte vir verbetering.
|
| 3. |
Die verslag gee vir skole ‘n aanduiding van die praktyke wat hersien moet word om te verseker dat daar voldoen word aan Kollektiewe Ooreenkoms 8 van 2003.
|
| 4. |
Indien die proses nie doeltreffend geïmplementeer word nie, sal die persoonlike groeiplanne (PGP’s), skoolverbeteringsplanne (SVP's) en distriksverbeteringsplanne (DVP’s) nie ‘n akkurate weergawe van die behoefte van onderwysers wees nie.
|
| 5. |
Prinsipale word aangeraai om besprekings met die skoolontwikkelingspan (SOS) en onderwysers oor die bevindinge van die verslag aan die gang te sit. Daar moet kennis geneem word van die aanbevelings en aanbevelenswaardige praktyke wat skole sal help om die assesseringsproses verder te voer. Skole word daaraan herinner dat die aanspreek van die areas vir ontwikkeling in hulle SVP’s op skool-, distriks- en Hoofkantoorvlak moet plaasvind.
|
| 6. |
Die bedoeling van die GGBS is om die gehalte van onderwys wat elke skool voorsien, te verbeter. Wanneer die GGBS ‘n integrale deel van die normale program van die skool word, sal dit ‘n beduidende uitwerking op die onderwys hê.
|
| 7. |
Ons vertrou dat die aangehegte verslag u sal help om die GGBS suksesvol te implementeer.
|
GETEKEN: L.J. ROSE
HOOF: ONDERWYS
DATUM: 2006:07:17
|