1. Die Direktoraat: Gehalteversekering wil graag prinsipale en personeelontwikkelingspanne (POS’e) bedank vir hulle vinnige reaksie op ons versoek dat die grondlynuitslae van die Geïntegreerde Gehaltebestuurstelsel (GGBS) van opvoeders wat die prestasiemetingstelsel vir die eerste keer in 2006 geïmplementeer het, ingedien moet word.
2. Die nasionale Departement van Onderwys het ‘n kontrolelys opgestel, waarvan ‘n afskrif hierby aangeheg is, sodat elke skool kan vasstel tot watter mate hy voldoen het aan die voorskrifte van Kollektiewe Ooreenkoms 8 van 2003 aangaande die implementering van die GGBS deur alle inrigtinggebaseerde opvoeders. Hierdie vraelys/oudit het die volgende ten doel:

  • Stel skole in staat stel ‘n selfevaluering te doen van die vlak van hulle vordering t.o.v. die GGBS

  • Voorsien die Direktoraat: Gehalteversekering van inligting aangaande die implementering van die GGBS in die Wes-Kaap wanneer dit gedurende die derde kwartaal by sekere steekproefskole vir ‘n ter plaatse oudit aangewend word
3. Wanneer die selfevaluering voltooi is, kan prinsipale en POS’e die nodige korrektiewe stappe doen om te verseker dat daar voldoen word aan die vereistes van die kollektiewe ooreenkoms en die bestuursplan.
4. Indien u enige probleme ondervind met die implementering van die GGBS of met die verwagtings van die huidige bestuursplan soos in ons kalender vir 2006 uiteengesit is, neem asseblief die vrymoedigheid om ons kantoor onmiddellik te skakel.
5. Dankie vir u samewerking.


GETEKEN: L.J. ROSE
HOOF: ONDERWYS
DATUM: 2006:07:17

Kontrolelys  (grootte: 17 KB)