| 1. |
Kollektiewe Ooreenkoms 8 van 2003 behels die implementering van die Geïntegreerde Gehaltebestuurstelsel (GGBS) deur alle inrigtinggebaseerde opvoeders.
|
| 2. |
Opvoeders wat begin het om die stelsel in 2006 te implementeer (nuutgekwalifiseerde opvoeders, aanvanklike aanstellings, opvoeders buite die stelsel gedurende 2005, sowel as tydelike en kontrakopvoeders) behoort teen hierdie tyd hulle basislynevaluerings te voltooi het, soos per die GGBS-kalender wat aan elke opvoeder gestuur is.
|
| 3. |
Die basislynevaluerings van sodanige opvoeders moet voorgelê word aan die GGBS-koördineerders (besonderhede in die kalender) deur die prinsipale van alle inrigtings waar hierdie situasie van toepassing is. Die aangehegte profielvorm moet vir hierdie doel gebruik word. Let asseblief daarop dat dit dieselfde profielvorm is as die een wat gebruik is vir basislynassesserings van 2005, behalwe dat die datum na 2006 verander is. Die basislynassesserings moet slegs uitgevoer word vir daardie opvoeders wat nog nie geassesseer is ooreenkomstig Kollektiewe Ooreenkoms 8 van 2003 nie. Hierdie opvoeders sal ook, saam met al die ander opvoeders, later vanjaar ‘n summatiewe evaluering ondergaan.
|
| 4. |
Nadat die GGBS-koördineerder in die OBOS sy/haar rekords ten opsigte van die basislynevaluerings bygewerk het, sal die inligting na die Direktoraat Gehalteversekering aangestuur word.
|
| 5. |
Alle opvoeders verkeer tans in die ontwikkelingsfase van die siklus. Prinsipale en SOS’e word daaraan herinner om voorsiening te maak vir die opleidingsbehoeftes van opvoeders op die verskillende vlakke soos benodig: die opvoeder, die skool, die ondersteuningspersoneel van die distrik en die Opleidingskomitee van die distrik.
|
| 6. |
Dankie vir u samewerking.
|
GETEKEN: L.J. ROSE
HOOF: ONDERWYS
DATUM: 2006:06:09
|