1. |
Soos u bewus is, maak die onlangs goedgekeurde kollektiewe ooreenkomste van die Raad op Arbeidsverhoudinge in die Onderwys (RAVO) voorsiening vir die volgende:
|
1.1 |
Kollektiewe Ooreenkoms 3 van 2006: [grootte: 958 KB] Hergradering van openbare skole (en aan-passing van salarisse van prinsipale ingevolge die nuwe graderingsnorme)
|
1.2 |
Kollektiewe Ooreenkoms 5 van 2006: [grootte: 791 KB] vir alle inrigting- en kantoorgebonde op-voeders om in oorweging geneem te word vir versnelde salarisvordering en senior opvoeders om in oorweging geneem te word vir graadvordering na die vlak van meesteropvoeder.
|
2. |
Die volgende vordering is reeds binne die Wes-Kaap Onderwysdepartement gemaak met betrekking tot bogenoemde ooreenkomste:
|
2.1 |
Alle skole is hergradeer ingevolge die betrokke kollektiewe ooreenkoms.
|
2.2 |
Die salarisse van kwalifiserende prinsipale is dienooreenkomstig aangepas en die agterstallige salarisbetalings is reeds op 15 Junie 2006 in hul bankrekenings inbetaal.
|
2.3 |
Wat die versnelde salaris- en graadvordering betref, sal die aanpassing op die Persalstelsel van salarisse van kwalifiserende onderwysers eersdaags hanteer word.
|
3. |
Aangeheg [sien hierbo] is afskrifte van Resolusies 3/2006 en 5/2006, soos aanvaar deur RAVO, waarvan die inhoud voor die hand liggend is.
|
4. |
Bring asseblief die inhoud van hierdie minuut onder die aandag van alle opvoeders en lede van die skoolbeheerliggaam.
|
GETEKEN: J.H. HURTER
HOOF: ONDERWYS
DATUM: 2006:07:28
|