1. Die profiele van opvoeders wat as botallig verklaar is vir die jaar 2006 word ingewag. Die profiele moet teen 28 April 2006 ingedien word by Die Hoof: Onderwys, Wes-Kaap Onderwysdepartement, Vir Aandag: Mnr Leon Kouta, Direktoraat: Personeelbestuur, Privaatsak X9114, Kaapstad, 8000.
2. Neem asseblief kennis dat die prosedure waarvolgens dienende opvoeders as addisioneel tot die inrigting se diensstaat verklaar word, dieselfde bly soos uiteengesit in die Kollektiewe Ooreenkoms Nommer 2 van 2003 van die Raad op Arbeidsverhoudinge in die Onderwys (RAVO) gedateer 10 April 2003.
3. Daar word weer eens gewys op die belangrikheid van die tydige indien van die profiele van die botallige opvoeders sodat hierdie botallige opvoeders in substantiewe vakante poste geplaas kan word ten einde effektiewe onderwys in ons provinsie te bevorder.
4. U samewerking sal waardeer word.


GETEKEN: J.H. HURTER
HOOF: ONDERWYS
DATUM: 2006:03:27

Collective Agreement Number 2 of 2003 of the Education Labour Relations Council  (grootte: 136 KB)