1. In par. 3.5.2. van Bylae A by Omsendbrief 0062/2004, gedateer 15 November 2004, is u versoek om alle rekwisisies teen nie later nie as 30 November 2005 by die bestelkantoor te Kuilsrivier in te handig. Hierdie rëeling sou die personeel te Kuilsrivier in staat stel om al die rekwisisies in bestellings te verwerk en sou leweransiers voldoende tyd gun om bestellings aan skole te lewer sodat fakture betyds voorgelê kan word vir betaling.
2. Die sperdatum van 30 November 2005 is bepaal omdat die Norme-en-standaardetoekenning vir die 2005/06 finansiële jaar gemaak is en derhalwe slegs tot 31 Maart 2006 beskikbaar is.
3. In die lig van bogemelde sal die Wes-Kaap Onderwysdepartement ongelukkig nou ‘n finale afsnypunt moet bepaal ten einde genoeg tyd te laat vir die tydige betaling van fakture.
4. Die sperdatum vir die inhandiging van rekwisisies het reeds verstryk. Alle rekwisisies wat na 8 Maart 2006 ontvang word, sal gevolglik aan skole terugbesorg word. Fakture ten opsigte van LOOM wat reeds gelewer is, maar wat na 8 Maart 2006 ontvang word, sal nie meer in die huidige finansiële jaar betaal kan word nie en skole sal dit ongelukkig uit eie fondse moet betaal.
5. U samewerking sal waardeer word.


GETEKEN: J.H. LYNERS
HOOF: ONDERWYS
DATUM: 2006:03:06

Bylae A van Omsendbrief 62/2004  (grootte: 20 KB)