1. Die toename in die aantal personeel by die WKOD-hoofkantoor sedert sy ontstaan en verbeteringe in telefoontegnologie het meegebring dat dit nou noodsaaklik geword het om die telefoonstelsel te vervang wat Hoofkantoor in Grand Central Towers en Sanlam Goue Akker bedien.
2. Die installasie en ingebruikneem van die nuwe telefoonstelsel sal gedurende die feestyd plaasvind terwyl die meerderheid van Hoofkantoor-personeel op verlof is. Die proses sal op 18 Desember 2006 begin en sal teen 17 Januarie 2007 afgehandel wees wanneer die skole heropen.
3. Inaggenome die omvang van die projek en die groot aantal telefoonuitbreidings wat met die nuwe telefoonstelsel gekoppel moet word, kan dit gebeur dat sekere personeellede onderbrekings en steurings in telekommunikasie ervaar.
4. Personeel wat steeds telekommunikasieprobleme op 17 Januarie 2007 ondervind, nadat die installering van die nuwe telefoonstelslel afgehandel is, moet sulke voorvalle onmiddellik aanmeld by die Afdeling: Telefoondienste by uitbreidings 2792, 2793 of 2794.
5. Bring asseblief die inhoud van hierdie minuut onder die aandag van alle belanghebbendes. Navrae oor die inhoud van hierdie minuut kan gerig word aan mnr DH Rossouw by tel 021 467 2793.


GETEKEN: J.T. SOLOMONS
HOOF: ONDERWYS
DATUM: 2006:12:18