| 1. |
Ingevolge verkrygingsregulasies mag geen bod (tender) sluit gedurende die periode 15 Desember tot 15 Januarie van enige finansiële jaar nie. Dit is dus noodsaaklik dat rekwisisies vir die verkryging van die volgende teen nie later nie as 30 November 2006 by die Direktoraat: Logistieke Dienste ingedien word.
| (a) |
Goedere en/of dienste wat via die bodproses verkry moet word
|
| (b) |
Alle toerusting soos meubels of rekenaartoerusting, ens.
|
| (c) |
Ander goedere en/of dienste soos kantoorbenodigdhede, rekenaar-inkhouers, ens.
|
|
| 2. |
Verantwoordelikheidsbestuurders moet `n voltooide BAS-uitgawestruktuurvorm (PGWC 002) by die rekwisisies aanheg en daarop aandui watter bedrag vir die tipe diens begroot is.
|
| 3. |
Daar moet in gedagte gehou word dat die verkryging van meubels en toerusting 'n tydrowende proses is wat normaalweg `n leweringstydperk van 60 dae insluit. Dit is ook nodig dat vir hierdie dienste voor die einde van die finansiële jaar betaal word. Vir hierdie rede sal rekwisisies vir meubels en toerusting ook nie na 15 Desember 2006 aanvaar kan word nie.
|
| 4. |
Bring asseblief die inhoud van die minuut onder die aandag van alle betrokkenes.
|
| 5. |
U samewerking in hierdie verband sal waardeer word.
|
GETEKEN: W.L. CARELSE
HOOF: ONDERWYS
DATUM: 2006:11:17
|