| 1. |
Die volgende twee veranderinge is op die Gevallebestuurstelsel (GBS) aangebring om dit meer gebruikersvriendelik te maak.
|
| 1.1 |
OORPLASING VAN GEVALLE
Die GBS het voorheen voorsiening gemaak vir die registrasie van slegs een beheervlakgebruiker binne elke komponent. Die beheervlakgebruiker was die enigste persoon wat gevalle na die verantwoordelike beampte binne die komponent, of na 'n ander komponent kon eskaleer of die gevaltipe kon wysig. Daar is gevind dat dit die effektiwiteit van die GBS beperk. Die GBS is derhalwe opgegradeer sodat alle gebruikers gevalle binne hul eie komponent of na 'n ander komponent kan eskaleer. Dit sal die druk wat beheervlakgebruikers ondervind het t.o.v. die oorplasing van gevalle verlig.
|
| 1.2 |
VERDELING VAN GEVALLE
Talle versoeke is ingedien dat 'n tweede of meer komponente geïdentifiseer word om die geval te lees en op te dateer wanneer 'n geval op die GBS aangeteken word. Die stelsel is gevolglik opgegradeer sodat 'n gebruiker toegang kan hê tot 'n bepaalde geval, hoewel dit nie by sy of haar komponent geregistreer is nie. Verder sal dit ook die gebruiker in staat stel om die vordering wat met 'n geval gemaak is op te volg. So bv. kan rekwisisies wat deur die Verkrygingslynbestuur geregistreer is gemonitor word en die gebruikershoof sal kan monitor watter vordering m.b.t. betalings gemaak is.
|
| 2. |
Aangeheg vind u 'n dokument waarin deur middel van skermbeelde geïllustreer en verduidelik word hoe om gevalle oor te plaas, te verdeel en hoe om aan 'n ander komponent toegang tot 'n geval te verleen.
|
| 3. |
Dit het nou die gebruik geword dat opdragte rondom die afhandeling van 'n spesifieke geval slegs op die Gevallebestuurstelsel (GBS) gegee word, maar dat geen skirftelike instruksie hieromtrent op die stukke op die lêer verskyn nie. Daar moet in gedagte gehou word dat alle beamptes nie noodwendig toegang tot alle gevalle het nie, en derhalwe nie die instruksies op die GBS sal sien nie. Dit is derhalwe nodig dat die instruksie skriftelik op die betrokke stuk gegee word.
|
| 4. |
Enige verdere navrae oor die inhoud van hierdie e-pos kan gerig word aan
Marlene Erasmus: tel: 021 467 2765 e-pos:merasmus@pgwc.gov.za
Charmaine Currie: tel: 021 467 2757 e-pos:ccurrie@pgwc.gov.za
|
| 5. |
U samewerking word waardeer.
|
GETEKEN: W.L. CARELSE
HOOF: ONDERWYS
DATUM: 2006:10:03
|