1. Dit is ‘n minimumvereiste dat alle tenders in die Staatstenderbulletin geadverteer moet word. Hierdie bulletin word deur die Staatsdrukker gedruk en verskyn elke Vrydag. Departemente moet hulle advertensieversoeke op die laatste teen die Donderdag voor die bulletindatum inlewer.
2. Elke departement is verantwoordelik vir die koste van sy eie advertensies. Verantwoordelikheidsbestuurders word dus versoek om ‘n addisionele aanvraagvorm (Log 1) in te lewer wanneer hulle ‘n versoek rig vir die aanvra van tenders vir goedere of dienste. Hierdie aanvraag moet in die beskrywingskolom die volgende woorde aantoon: “Plasing van advertensie in die Staatstenderbulletin” (plus ‘n beskrywing van die tender). ‘n Afsonderlike vorm, PGWC 002, moet ingelewer word, en die volgende fondsstruktuur moet gebruik word: 
Fonds:               Begrote Fondse
Doelwit:             Soos van toepassing
Verantwoordelikheid: Soos van toepassing
Projek:              Geen Projek
Item :               Advertensie: tenders

Die huidige tariewe van die Staatsdrukker is R2 125 per A4-grootte bladsy en R85.00 per cm.
3. Die Direktoraat Logistieke Dienste sal die advertensiekoste betaal sodra die gekonsolideerde faktuur van die Staatsdrukker ontvang is. Dit moet duidelik gestel word dat indien die rekwisisie vir die adverteer van die tender nie ontvang is nie, die Direktoraat Logistieke Dienste nie die rekwisisie vir die advertensie sal prosesseer nie.
4. U samewerking in hierdie verband sal waardeer word.


GETEKEN: W.L. CARELSE
HOOF: ONDERWYS
DATUM: 2006:06:28