1. Ingevolge die bepalings van die Wet op die Nasionale Argief en Rekorddiens van Suid-Afrika, 1996 (Wet 43/1996), soos gewysig, en die regulasies daarvolgens uitgevaardig, kan regeringsliggame dit oorweeg om buiteterreinfasiliteite te gebruik om hulle rekords te bewaar.
2. Die Nasionale Argiefdiens van Suid-Afrika het versoek dat alle inrigtings herinner word aan die beleid aangaande buiteterrein-bewaringsfasiliteite waaraan elke regeringsliggaam moet voldoen wanneer daar oorweeg word om rekords by sodanige fasiliteit te bewaar.
3. U word versoek om nougeset aan die aangehegte beleid en prosedure (Bylae A) te voldoen vir die buiteterreinbewaring van WKOD-rekords. Satellietkantore moet vir hierdie doeleindes as buiteterreinfasiliteite beskou word.
4. Daar word beklemtoon dat alle aansoeke om die buiteterreinbewaring van rekords vir verdere aandag aan mnr JT Solomons voorgelę moet word by die adres wat in die voetskrif onderaan hierdie brief verskyn.
5. Enige navrae aangaande die inhoud van hierdie minuut kan gerig word aan 
me ME Erasmus 021 467 2765
me M Fick     021 467 2758
6. Die inhoud van hierdie minuut moet onder die aandag van alle belanghebbendes gebring word.


GETEKEN: W.L. CARELSE
HOOF: ONDERWYS
DATUM: 2006:04:13

Bylae A  (grootte: 11 KB)