| 1. |
Alle verantwoordelikheidsbestuurders is per Logistiekediensteminuut 0023/2005 versoek om rekwisisies vir goedere en dienste vir die 2005/06 boekjaar teen 18 November 2005 in te dien.
|
| 2. |
Verantwoordelikheidsbestuurders het daarna verdere rekwisisies ingedien met die verstandhouding dat lewering en betaling nie teen 31 Maart 2006 gewaarborg kon word nie.
|
| 3. |
Daar is nou drie weke oor voor die einde van die boekjaar en geen rekwisisies kan ongelukkig meer aanvaar word nie. Lewering en betaling daarvan is onmoontlik binne die kort tyd voorhande. U word gevolglik versoek om u rekwisisies gedurende April 2006 in te dien.
|
| 4. |
Programbestuurders word ingelyks ingelig dat die Direktoraat: Logistieke Dienste besig is om reeds geïdentifiseerde oordragbetalings aan onderwysinrigtings te finaliseer. As gevolg van die omvang daarvan, sal geen verdere magtigings vir oordragbetalings verwerk word nie, tensy die aanvraer ook fondse voorsien vir die addisionele koste verbonde aan die bykomende werkslas.
|
| 5. |
Dankie vir u samewerking. |
GETEKEN: L.J. ELY
HOOF: ONDERWYS
DATUM: 2006:03:09
|