| 1. |
Die grondwet van die Raad op Arbeidsverhoudinge in die Onderwys (RAVO) is gewysig deur Kollektiewe Ooreenkoms 1 van 2006, wat van krag word op 1 Mei 2006.
|
| 2.1 |
Die gewysigde grondwet maak daarvoor voorsiening in klousule 14.3 van Bylae B (aangeheg) dat ‘n party ‘n dispuut kan verklaar wat gebaseer is op enige daad van versuim deur ‘n skoolbeheerliggaam wat verband hou met die aanstelling, bevordering of oorplasing van opvoeders.
|
| 2.2 |
In hierdie opsig is die prosedure soos uiteengesit in klousule 14.3 van toepassing alleenlik op ‘n dispuut wat ontstaan uit artikel 6(3) van die Wet op die Indiensneming van Opvoeders (Wet No 76 van 1998).
|
| 3. |
Tydsbeperkings vir die verklaar van ‘n dispuut
|
| 3.1 |
Die Ooreenkoms het ook nuwe tydsbeperkings tot gevolg.
|
| 3.2 |
Dispute wat verband hou met aanstellings, bevorderings of oorplasings moet aanhangig gemaak word by die algemene sekretaris van RAVO binne 30 dae na bewuswording of bekendmaking van die kwessie wat aanleiding gegee het tot die dispuut ingevolge klousule 16.1.3 van Bylae B (aangeheg).
|
| 3.3 |
Indien die werknemer egter eers ‘n grief lug, maar later ook ‘n dispuut wil verklaar, moet sodanige dispuut verklaar word binne dertig dae nadat die werknemer deelname aan die grieweprosedure beëindig het.
|
| 3.4 |
‘n Werknemer mag nie ‘n dispuut verklaar wat eers ‘n interne grieweprosedure moet volg voordat daardie prosedure afgehandel is nie, tensy daar geen uitkoms bereik is binne 45 dae vandat die grief gelug is nie.
|
| 4. |
Aangeheg vind u ‘n uittreksel uit die Ooreenkoms wat die betrokke gedeeltes van klousule 14.3 en 16.1 van Bylae B van die gewysigde grondwet van RAVO bevat.
|
| 5. |
Die inhoud van hierdie minuut moet asseblief onder die aandag van alle opvoeders en Skoolbeheerliggaam amptenare gebring word.
|
GETEKEN: G.J. ELLIOTT
HOOF: ONDERWYS
DATUM: 2006:07:06
|