Wanneer 'n skool gekies word vir insluiting by die Khanya-program, is een van die eerste dinge wat gedoen moet word die bepaling van die kurrikulumbehoeftes en -prioriteite van die skool, waarna sagteware gekies word wat in hierdie behoeftes kan voorsien. Die keuse van sagteware is ook aan die volgende voorwaardes onderhewig:

1. Alleenlik sagtewareprodukte wat op die goedgekeurde lys van opvoedkundige sagteware verskyn, mag oorweeg word vir aankope uit die fondse wat van die WKOD ontvang is. Hierdie lys is deur die Direktoraat Kurrikulumontwikkeling saamgestel, in samewerking met die navorsing- en ontwikkelingspersoneel van die Hoofdirektoraat : e-Innovasie in die Departement van die Premier (wat verantwoordelik is vir die tegniese kwessies wat verband hou met Khanya-installerings). Die lys verander van tyd tot tyd, na gelang nuwe produkte geëvalueer word, en sal toeganklik wees op die WKOD se webwerf by http://curriculum.wcape.school.za/.
2. Skole sal 'n tydperk van een maand gegun word waarin verskeie sagteware-aanbiedinge ondersoek kan word, óf deur verteenwoordigers uit te nooi om aanbiedings te doen, óf deur ander skole te raadpleeg wat alreeds daardie produkte gebruik. Die Khanya-projekbestuurder, ADESSA ( http://www.adessa.org.za ), die Kurrikulumontwik-kelingsdirektoraat, of ander skole mag in staat wees om te help met raad aangaande watter sagteware beskikbaar en geskik is vir kurrikulumdoeleindes. Riglyne vir IKT-integrasie met NKV-vakke in graad 10 - 12 is verlede jaar aan alle skole gestuur en is beskikbaar op die WKOD-webwerf by http://curriculum.wcape.school.za/.  'n Soortgelyke handleiding sal vir AOO ontwikkel word in 2007.Onderwyspersoneel moet betrokke wees by die keuse van sagteware vir hulle leerareas en vakke.
3. Tydens konsultasies tussen die skoolhoof en die betrokke Khanya-projekbestuurder oor die implementering van IKT op skool sal daar ook besluit word wie die koste van watter items sal dra, met insluiting van die sagteware wat uitgesoek is. Die besluit sal geneem word aangaande die onderwys-sagtewareproduk(te) wat die geskikste is vir die aanvanklike behoeftes van die skool. sal besluit word oor die opvoedkundige sagtewareproduk(te) wat die geskikste sal wees vir die skool se aanvanklike behoeftes. Hierdie besluit moet in die notule aangebring word van die vergadering van die skoolbeheerliggaam waartydens die besluit bevestig is.
4. Al die besluite wat hierbo genoem is, sal ingesluit word in 'n projekplan vir die vestiging van 'n rekenaarfasiliteit by die skool. Hierdie projekplan, wat deur die betrokke gesagdraers onderteken moet word, sal dan die basis vorm waarvolgens rekenaarfasiliteite aan die skool voorsien sal word.
5. Enige verdere sagteware sal verkry word volgens die skool se eie diskresie. Dit mag befonds word uit die Norme-en-standaardefondse vir skole, in welke geval sagteware van die aanbevole sagteware lys gekies moet word. Sagteware wat nie op die lys verskyn nie, mag befonds word óf deur die skool, óf deur 'n derdepartyskenker.
6. Skole wat sagteware gebruik, of weet van goeie opvoedkundige sagteware wat nie op die aanbevole lys verskyn nie, word versoek om die naam en uitgewer en enige ander relevante inligting aan die Direktoraat: Kurrikulumontwikkeling te voorsien vir evaluering en moontlike insluiting by die lys. Die kontakpersoon is me A Lowenherz by alowen@pgwc.gov.za


GETEKEN: R.B. SWARTZ
HOOF: ONDERWYS
DATUM: 2006:11:22