1. Biblioteke is die sleutels tot die globale netwerk wat aan ons toegang verleen tot inligting. Dit is dus noodsaaklik dat ons skoolbiblioteke ware leerbronnesentrums word en dat die belangrikheid van skoolbiblioteke wyd erken word.
2. In 1999 het die Internasionale Vereniging van Skoolbiblioteekwese (IASL) die vierde Maandag van Oktober tot jaarlikse Internasionale Skoolbiblioteekdag (ISBD) verklaar. Sedertdien is dit in baie lande op verskeie maniere gevier. Hierdie jaar word die ISBD op Maandag, 23 Oktober 2006, gevier en die tema vir die jaar is "Lees. Ken. Doen."
3. Hierdie dag moet beskou word as 'n erkenning van die rol en noodsaaklikheid van biblioteke by lewenslange leer, d.w.s. voorsiening van noodsaaklike leer- en onderrigondersteuningsmateriaal (LOOM) dwarsdeur die skoolstelsel. Internasionale navorsing het bewys dat leerders beter presteer en meer bevoegde lesers word indien hulle toegang het tot 'n skoolbiblioteek met 'n goeie naslaanversameling en wat boeke wat lekker lees en goeie inligtingsgeletterdheidsprogramme insluit.
4. As 'n substrategie om toegang tot inligting te bevorder, bepaal die WKOD se Menslikekapitaal-ontwikkelingstrategie vir die Wes-Kaap (2006) onder andere dat bronnesentrums en biblioteke by elke skool ontwikkel moet word om 'n wye verskeidenheid LOOM beskikbaar te stel en dit doeltreffend te bestuur, en vir die integrasie van inligtingsgeletterdheidsprogramme wat onderrig en leer ondersteun.
5. 'n Paar redes waarom skole ISBD behoort te vier:

  • Om skoolbiblioteke en skoolbibliotekarisse dwarsoor die węreld by mekaar uit te bring en om die belangrikheid te erken van wat biblioteke kan doen en reeds doen met betrekking tot nasionale ontwikkeling

  • Om die rol wat die skoolbibliotekaris in 'n leerder se onderrig speel van voorskool tot in die VOO uit te lig

  • Om idees, inisiatiewe en nuutskeppings uit te ruil sodat diegene wat by skoolbiblioteke betrokke is, insluitende onderwysers in alle leerareas, by mekaar kan leer

  • Om die bydrae wat bibliotekarisse maak tot hulle kollegas en gemeenskappe te erken.
6. Die aangehegte Bylae A stel 'n paar maniere voor waarop die WKOD-skole Internasionale Skoolbiblioteekdag op 23 Oktober 2006 kan vier.


GETEKEN: M.J. CHILES
HOOF: ONDERWYS
DATUM: 2006:10:03

Bylae A  (grootte: 73 KB)