1. Die Wêreldboekdagviering wat deur UNESCO geïnisieer is, vind jaarliks plaas op 23 April, die geboortedatum van William Shakespeare. Aangesien 23 April 2006 op ‘n Sondag val, word voorgestel dat WKOD-skole Wêreldboekdag op Maandag, 24 April 2006 vier.
2. Die tema vir die dag, BOEKE PRAAT: LUISTER JY?, weerspieël die belangrikheid van leesvaardighede in lewenslange leer, kognitiewe ontwikkeling en sielkundige welstand en skole word dus aangemoedig om erkenning te verleen aan die waarde van lees deur op Wêreldboekdag entoesiasties aan leesgebaseerde aktiwiteite deel te neem.
3. Aangeheg is ‘n lys van voorstelle, saamgestel deur die personeel van EDULIS (WKOD-onderwysbiblioteek- en inligtingsdiens), vir skoolgebaseerde aktiwiteite om Wêreldboekdag tot voordeel en op genotvolle wyse uit te lig.
4. Skole kan 'n kleurvolle plakkaat wat die gees van Wêreldboekdag uitbeeld, van een van die volgende verkry:
4.1 Bronnesentrumbibliotekarisse by OBOS'e (kyk paragraaf 5 vir kontakpersone)
4.2 OBOS Metropool-Noord: Kurrikulumadviseur: Skoolbiblioteke (Jenny Caroto, tel. 021 938 3018).
4.3 OBOS Metropool-Sentraal: Onderwysmediategnologie-adviseur (Peter Visagie, tel. 021 659 4300)
4.4 Sentrum vir die Boek: Projekkoördineerder (Mark Espin, tel. 021 423 2669, Koningin Victoriastraat 62, Kaapstad).
5. Skole kan vroegtydig met een van die volgende persone in verbinding tree om bloklenings van boeke in klanklasetformaat/film weergawes van boeke in video of DVD formaat vir gebruik op Wêreldboekdag te versoek: 
Amor du Toit    EDULIS Biblioteek, Bellville 021 957 9618
Ntombi Mngxuma  OBOS Metropool Suid: Brian O’Connell Bronnesentrum, 
                Mitchells Plain 021 370 2084
Cheryl Joseph   OBOS Metropool Oos bronnesentrum, 
                Kuilsrivier 021 900 5111
Ina Heiberg     OBOS Weskus/Wynland bronnesentrum, 
                Paarl 021 860 1229
Sam Webber      OBOS Suid-Kaap/Karoo-bronnesentrum, 044 803 8328
Janine Ontong   OBOS Breederivier/Overberg-bronnesentrum, 
                Worcester 023 348 4657
6. Gebruik behoort ook gemaak te word van die boeke wat ingevolge die 100+ Boekprojek aan Grondslagfase- en Intermediêrefaseklaskamers voorsien is.


GETEKEN: F.A. BOOYSE
HOOF: ONDERWYS
DATUM: 2006:03:17

Bylae  (grootte: 54 KB)