1. Een van die kritieke uitkomste soos vervat in die uitkomsgebaseerde Nasionale Kurrikulumverklarings vereis dat leerders in staat moet wees om inligting te “versamel, ontleed, organiseer en krities te evalueer”, m.a.w. om inligtingsvaardighede aan te leer. In ons skole is biblioteke die sleutel tot inligtingstoegang.
2. Dit is dus noodsaaklik dat ’n wye reeks biblioteekbronmateriaal, bo en behalwe teksboeke en leesboeke, beskikbaar moet wees om leerders in staat te stel om

  • geletterdheidsvaardighede te verbeter, bv. lees, spel, begrip en skryf.

  • syfervaardighede te ontwikkel.

  • toegang te verkry tot inligtingsbronne wat ‘n integrale deel vorm van die effektiewe oordrag van e-leer en hulle te gebruik.

  • inligting te interpreteer ten einde nuwe, geďndividualiseerde kennis te skep.

  • bewus te word van vooroordeel, onakkurate en onvolledige inligting.

  • ingeligte besluite wat gebaseer is op ontleding en evaluering van relevante inligting te neem.

  • op ’n multivlakwyse te dink.
3. Biblioteekbronmateriaal sluit in:

  • naslaanwerke (ensiklopedieë, atlasse, woordeboeke, ens.)

  • vakliteratuur (boeke wat feite en inligting bevat)

  • fiksie (romans, kortverhale, fabels, legendes, prenteboeke, ens.)

  • plakkate en pamflette

  • tydskrifte en koerante

  • voorafopgeneemde oudiokassette, video’s, DVD’s en CD-ROM’s

  • multimediapakkette
4. Die Norme-en-standaardetoekenning aan skole maak voorsiening vir die aankoop van biblioteekbronmateriaal (asook vir handboeke en leesboeke). Die volgende inligting in Omsendbrief 0056/2005 het hierop betrekking:
4.1 Daar word voorgestel dat alle skole 60% van hulle toewysing moet gebruik vir die aankoop van “handboeke en ander boeke” (paragraaf 3.1.1(a) van Bylae A van Bylae A van die omsendbrief).
4.2 Biblioteekbronmateriaal word ingesluit in die term “ander boeke” (paragraaf 4 van Bylae A van die omsendbrief).
4.3 Alle nie-artikel 21-skole moet “handboeke en ander boeke”, insluitende biblioteekbronmateriaal, aanvra deur Vorm WKOD-034 (paragraaf 3.2 van Bylae A van die omsendbrief) voor te lę aan die LOOM-projekbestuurder (paragraaf 2 van Bylae A van die omsendbrief).
4.4 Die afsnydatum vir rekwisisies van “handboeke en ander boeke” vir nie-artikel 21-skole word aangegee as Maandag, 26 April 2006 (paragraaf 3.5 van Bylae A van die omsendbrief). Addisionele bestellings vir LOOM (leer- en onderrigondersteuningsmateriaal, insluitende biblioteekbronmateriaal) kan egter tot 30 November 2006 (paragraaf 3.5.2 van die omsendbrief) voorgelę word.
5. Vir meer inligting en leiding in bogenoemde verband, tree asseblief in verbinding met me Colleen Meinert by EDULIS (WKOD Onderwysbiblioteek- en Inligtingsdiens): tel. 021 957 9638; faks 021 948 0748; e-pos cmeinert@pgwc.gov.za..


GETEKEN: B.K. SCHREUDER
HOOF: ONDERWYS
DATUM: 2005:12:30