| 1. |
Ingesluit is u IRP 5 / IB 3(a)-sertifikate vir die 2005/2006-belastingjaar.
|
| 2. |
Die sertifikate moet oorhandig word aan die betrokke werknemers op u diensstaat. Maak asseblief seker dat oorblywende sertifikate van werknemers, wat gedurende die 2005/2006-belastingjaar in u diens was, onmiddellik na hulle nuwe betaalpunt of woonadresse versend word, of aan hierdie kantoor teruggestuur word.
|
| 3. |
Die meegaande kontrolestaat moet onmiddellik gesertifiseer en vir rekorddoeleindes gestuur word aan
Die Hoof: Onderwys
Wes-Kaap Onderwysdepartement
Belastingafdeling (7de Vloer)
Privaatsak X9114
Kaapstad
8000
|
| 4. |
Aangesien die belastingafdeling van hierdie Departement gewoonlik oorval word met versoeke om die uitreik van duplikaat IRP 5-sertifikate, het dit duidelik geword dat sommige werknemers nie die waarde en belangrikheid van die sertifikate besef nie. Dit het tot gevolg dat ‘n beampte in die Belastingafdeling voltyds besig gehou word met die uitreiking van duplikaat IRP 5-sertifikate.
|
| 4.1 |
By ontvangs van IRP 5-sertifikate, moet alle werknemers dus toesien dat die sertifikaat veilig bewaar word ten einde die administratiewe las op die Belastingafdeling te verminder.
|
| 4.2 |
Aangesien duplikaat IRP 5-sertifikate voorheen per hand uitgereik is, was die wagperiode relatief kort. Duplikaatsertifikate word tans egter slegs een keer per week deur middel van die Persalstelsel uitgereik.
|
| 4.3 |
Voortaan sal slegs ‘n skriftelike versoek om ‘n duplikaat IRP 5-sertifikaat aanvaar word en so ‘n versoek moet vergesel word van ‘n beëdigde verklaring wat die verlies van die oorspronklike sertifikaat staaf.
|
| 4.4 |
Met inagneming van bogemelde, sal die heffing van ‘n tarief (tot ‘n bedrag van R50.00) ernstig oorweeg word vir die heruitreik van ‘n IRP 5-sertifikaat.
|
| 5. |
Hierdie jaar se sluitingsdatum vir die indien van belastingopgawes by die Suid-Afrikaanse Inkomstediens is 14 Julie 2006. In gevalle waar uitstel verlang word, is dit die werknemer se verantwoordelikheid om sodanige uitstel by die Ontvanger van Inkomste te verkry.
|
| 6. |
Maak asseblief seker dat die inhoud van hierdie minuut onder die aandag van alle personeellede gebring word.
|
GETEKEN: J.J.L. VIVIERS
HOOF: ONDERWYS
DATUM: 2006:04:20
|