1. Op versoek van verskeie vakbonde en onderworpe aan artikel 76(4) (b) van die Wet op Openbare Finansiële Bestuur, 1999 (Wet 1 van 1999) soos gewysig (WOFB) en saamgelees met Nasionale Tesourieregulasie 8.3.3, is Provinsiale Tesourie-goedkeuring PT16/3/3, gedateer 22 Desember 2005, verleen om met ingang van 1 April 2006 die betaaldatum van permanente KS-opvoeders vanaf die laaste werksdag van die maand of die laaste werksdag van ‘n kwartaal, semester of trimester te skuif na die 15de van die maand. Indien die 15de nie ‘n werksdag is nie, verskuif die betaaldatum na die laaste werksdag wat die 15de voorafgaan.
2. Ingevolge bogemelde, sal die volgende KS-opvoeders op die 15de van elke maand besoldig word:
  • Opvoeders: Permanent

  • Opvoeders: Permanent – Semester

  • Opvoeders: Permanent – Trimester

3. Die betaaldatum van die volgende KS-opvoeders bly onveranderd en sal hulle steeds op die laaste werksdag van die maand besoldig word:
  • Kontrakaanstellings

  • Permanent op proef

  • Plaasvervangers

  • Deeltydse opvoeders

4. Stel die betrokke opvoeders asseblief in kennis om die nodige reëlings met betrekking tot debietorders te tref, indien van toepassing.
5. Bring asseblief die inhoud van hierdie minuut onder die aandag van al die betrokke opvoeders.


GETEKEN: L.J. ELY
HOOF: ONDERWYS
DATUM: 2006:03:13